Արևմուտքի քաղաքականությունը Իրանին վերածում է միջուկային տերության

Դեռևս շահի օրոք նշանակված Իրանի միջուկային էներգիայի կազմակերպության ղեկավար Աքբար Էթեմադը Neue Zurcher Zeitung շվեյցարական պարբերականի լրագրողի հետ հարցազրույցում ասել է, որ Արևմուտքը մեղադրում է Իրանին միջուկային զենքի ստեղծման մեջ՝ հերքելով այն, որ Իրանն իսկապես դրանով զբաղվում է։ Բանն այն է, որ արևմտյան պետությունները ստորագրել են միջուկային զենքի չտարածելու պայմանագիրը, բայց հենց իրենք էլ խախտում են դրա դրույթները։ Իսկ պայմանագրի էությունը կայանում է նրանում, որ քանի դեռ դրա մասնակիցները գործում են պայմանագրի դրույթներին համաձայն, Իրանը չի ստեղծի միջուկային ռումբ, մինչդեռ կշարունակի հնարավորինս զարգացնել միջուկային տեխնոլոգիաները։ Ըստ պայմանագրի՝ պետությունները, որոնք ունեն միջուկային տեխնոլոգիաներ, պարտավոր են դրանք տրամադրել այն պետություններին, որոնք դեռևս չունեն այդ տեխնոլոգիաները։ Մինչդեռ արևմտյան պետությունները խուսափում են այդ պայմանը կատարելուց՝ ասելով, որ Իրանը դրանք կօգտագործի միջուկային զենք ստեղծելու համար։ Այդ փաստը խիստ զարմացնում է, քանի որ պայմանագիրը կիրառվում է Իրանին մեղադրելու համար, բայց ոչնչով չի արդարացվում։

Իրանի միջուկային էներգիայի կազմակերպության ղեկավարը նաև նշել է, որ Արևմուտքն իսկապես կարծում է, որ Իրանը ձգտում է միջուկային զենք ստեղծել, բայց Իրանը նման մտադրություն չունի։

Կազմակերպության ղեկավարը նշել է, որ նախկինում իրենք մշակում էին միջուկային զենքի ստեղծման նախագծեր, և նա իր պարտքն է համարել թույլատրել զանազան փորձարկումներ։

Էթեմադը նաև ասել է, որ այդ փորձարկումներով զբաղվելով՝ Իրանը չէր ձգտում միջուկային զենք ստեղծել։ Ոչ մի պետություն մեկ գիշերում նման որոշում չի կայացնում։ Այդ հարցը քաղաքականության հետ է կապված։ Պետությունը միջուկային զենք է ստեղծում այն ժամանակ, երբ նրա անվտանգությանը սպառնում են։ Իրանը միջուկային զենքի ստեղծման նման նախագիծ չունի։ Սակայն եթե Արևմուտքը շարունակի ճնշում գործադրել, նա կստիպի Իրանին նման զենք ստեղծելու ուղղությամբ քայլեր ձեռնարկել։ Իսրայելը, Պակիստանը, Ռուսաստանը, Հնդկաստանը շրջապատում են Իրանին և բոլորը միջուկային զենք ունեն։ Եթե Արևմուտքը շարունակի իր ճնշումը, Իրանը միջուկային զենք կստեղծի. նա ունի այդ իրավունքը։