Ահմադինեջադը չի լինի Իրանի նախագահի թեկնածու
Համաշխարհային Մամուլ
The Jerusalem Post-ը վկայակոչելով Իրանի ներքին գործերի նախարարությանը, հայտնում է , որ Իրանում նախագահական ընտրությունները կկայանան եկող տարվա հունիսի 14-ին:
2013թ.-ին նշանակված ընտրությունների ժամանակ կմրցեն գործող նախագահ Մահմուդ Ահմադինեջադի կողմնակիցն ու նրա պահպանողական հակառակորդները: Ինչպես նշում է IRNA գործակալությունը, հաջորդ նախագահական ընտրությունները կհամընկնեն ՏԻՄ ընտրությունների հետ:
Իրանի գործող նախագահ Մահմուդ Ահմադինեջադը, ելնելով երկրի օրենսդրությունից, չի կարող իր թեկնածությունն առաջադրել երրորդ անգամ: Ավելի վաղ Ահմադինեջադը հայտարարել էր, որ չի մասնակցելու նախագահական մրցապայքարին և պաշտոնից հեռանալուց հետո կզբաղվի գիտական աշխատանքով:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
