Ինչպիսին կլինի 2021 թվականը կենդանակերպի յուրաքանչյուր նշանի համար
Այլ2021-ը սպիտակ մետաղե Ցուլի տարին է։ 2021 թվականի մարտի 21-ից կավարտվի 2020 թվականի էներգիան։
2021 թվականը գործելու է աղեղնավորի գերիշխանության ներքո․ անկանխատեսելի փոփոխություններով լի, նոր էներգիաները կիրառելու, գիտելիքները փորձի մեջ դնելու և նոր հիմք ստեղծելու տարի է։ 2021-ում խավարումները կընթանան բնականոն, որոնք շատ դրական միտման մասին են խոսում։ Այս մասին ԼՈՒՐԵՐ.com-ի հետ զրույցում ասաց աստղաբան, էզոթերիկ Գուրգեն Հովհաննիսյանը։
Աստղաբանը ընդգծում է, թե ինչ է սպասվում 2021 թվականին կենդանակերպի բոլոր նշաններին․
Խոյ․ Եթե 12 ամիսները բաժանենք 3 փուլի, ապա առաջին 4 ամսվա ընթացքում այս նշանի ներկայացուցիչները պետք է պահպանեն խոսքի ուժը, մարդկանց հետ ճիշտ շփման եզրեր գտնեն։ Հաջորդ 4 ամսվա ընթացքում տարին կամփոփեն մի շարք իրադարձություններով, որոնք, կարծես թե, դուրս կլինեն վերահսկողությունից․ դրանք ճակատագրական իրադարձություններն են, որոնք փոփոխության ենթակա չեն և պետք է ընդունել առանց պայքարի և էներգիայի կորստի։
Ցուլ․ Նշանի ներկայացուցիչների համար 2021-ը բավական բարենպաստ, ուրախություններով լի տարի կլինի։ Արիության դրսևորումը շատ կարևոր է, նախաձեռնող բնավորությանը ամեն կերպ կաջակցի տարվա հովանավորը և կբերի նրան նյութական ձեռքբերումներ: Շատ ճանապարհներ հեշտությամբ կբացեն հենց իրենք, շատ գործեր հաջողությամբ կավարտվեն, ընտանեկան հարաբերությունները կշտկվեն։
Երկվորյակներ․ Տարին կսկսեն մի փոքր բարդ, որովհետև կլինեն իրադարձություններ, որոնք դուրս կմղվեն վերահսկողությունից, բայց պետք է, դրանք ընդունելով, գնալ առաջ, չկորցնել լավատեսությունը, որը, սակայն, կպահպանվի։ Կարևոր է մեծ ուշադրություն դարձնել ընտանեկան փոխհարաբերություններին, և շփումների կարգավորմանը։
Խեցգետին․ 2021 թվականի ապրիլից նշանի ներկայացուցիչներին հնարավություն կտրվի կայանալ ֆինանսական դաշտում, որոնք երկար տարիներ առաջընթաց չեն ունեցել։
Առյուծ․ Առաջին 4 ամսվա ընթացքում բարենպաստ է լուծել ընտանեկան խնդիրները։ Հաջորդ 4 ամիսը հնարավորություն կընձեռի հարմարվել նոր իրավիճակներին, կլինի մեծ էներգիայի կուտակում։ Տարին կեզրափակվիի կուտակված ամբողջ լավատեսությամբ, բայց կարևոր է՝ տարվա մեջ պահպանել բարձր տրամադրվածությունը և լսել սրտի ձայնին։
Կույս․ Փոփոխությունները նյութական դաշտում շատ շոշափելի կլինեն, ֆունդամենտի զգացողությունը շատ ավելի ուժեղ է այս նշանի մոտ, լավատեսությունը պետք է պահպանել ցանկացած իրավիճակում։ Գործերը հաջողությամբ կնքելու հնարավորություն կտրվի և տարին կավարտեն շատ հաջող կերպով։ Տարվա 2-րդ փուլում հնարավոր են կտրուկ իրադարձային փոփոխություններ, որոնք չենք անվանում լավ կամ վատ․ դրանք անհրաժեշտ փոփոխություններ են, որոնք կուտակված են եղել վերջին 7 տարվա ընթացքում։
Կշեռք․ Տարվա լավագույն նշաններից մեկն է։ Հաջողությունների հասնելու գլխավոր մեխը համարձակությունն է, այսինքն՝ գործել համարձակ և չմոռանալ նվիրվել այն գործերին, որոնք նախաձեռնել են։ Կարևոր է հասկանալ՝ ինչ նպատակներ կան և ինչպես հասնել դրանց, մյուս հարցերը կստացվեն ինքնաբերաբար և շատ խնդիրներ կլուծվեն միանգամից։
Կարիճ․ Նշանի ներկայացուցիչների համար նոր հնարավորություններ կստեղծվեն, դրանք կարող են տեսանելի չլինել, բայց պետք է լինել շատ ավելի զգոն, ուշադրություն դարձնել խոսքին և օգտվել հովանավորչությունից, այսինքն՝ չվախենալ օգտվել հնարավորություններից, որոնք ընձեռնվում են։
Աղեղնավոր․ Յուրահատուկ դրական տարի է, կլուծվեն և՛ ֆինանսական, և՛ անշարժ գույքի հետ կապված կարևոր հարցերը։ Տարվա ընթացքում տարբեր գործեր մեծ հաջողությամբ կպսակվեն, և նոր գործերի սկիզբ կլինի։ Ակտիվ տարի է և՛ կանանց, և՛ տղամարդկանց համար։
Այծեղջյուր․ Կենդանակերպի այս ներկայացուցիչների համար 2020-ը ծանր տարի էր, բայց 2021-ում լավ ընթացք է կլինի, որը կտևի 8 տարի։ Լավատեսությունը պետք է պահպանել բոլոր դեպքերում, հնարավորություններ կունենան և՛ ոգևորելու, և՛ ոգևորվելու, պետք է պահպանել հավատը և ներշնչանքը դեպի լավը, լինել զգոն և չտրվել այլ էներգիաների ու հոսանքների։
Ջրհոս․ Կլինեն ռիսկային իրավիճակներ, և համարձակությունը շատ կարևոր է։ Իրադարձությունների ավարտը կլինի հօգուտ ջրհոսների, եթե չտրվեն տարբեր հոսանքների, գործեն համարձակ և ճիշտ։
Ձկներ․ Կենդանակերպի այս ներկայացուցիչները տարվա էներգիան կրողներն են։ Տարին հագեցած կլինի այնպիսի իրադարձություններով, որոնք կառուցվել են 2020 թվականին, այսինքն՝ հիմնական խնդիրները, ծրագրերը, որոնք եղել են, կարտահայտվեն և կիրագործվեն 2021-ում, հնարավոր է՝ իրավիճակը փոքր-ինչ անկառավարելի թվա, սակայն կարևոր է պահպանել փոխհամագործակցության մեծ դաշտը, մեկուսացված գործելն արդյունավետ չի լինի։
Վերցրեք և ընդունեք այն, ինչը համահունչ է ձեր սրտին և հոգուն։
Արփինե Հակոբյան