Ահմադինէժադ. «Մահմեդականների անմեղությունը» ֆիլմը սիոնիստների ձեռքի գործն է

Ուրբաթ առավոտյան՝ սեպտեմբերի 21-ին, տեղի է ունեցել ռազմական շքերթ, որը նվիրված էր իրան-իրաքյան պատերազմի տարելիցին, գրում է MIGnews-ը։ Երկրի կառավարությունը դա լավ առիթ համարեց՝ Իսրայելին՝ մասնավորապես, և աշխարհին՝ ընդհանրապես, ցույց տալու համար իր զինանոցը և իր միջուկային ծրագրին սպառնալիքի դեպքում դրանք կիրառելու պատրաստակամությունը։

Իրանական ռազմաօդային ուժերի հրամանատարը հանդես եկավ ելույթով, որտեղ նախազգուշացրեց, որ «սիոնիստները նույնիսկ չեն պատկերացնում որքան հրթիռներ մենք կարող ենք բաց թողնել»։ «Եթե կոնֆլիկտ հրահրվի, սիոնիստական վարչակարգը միայն ամենավաղ փուլում կկարղանա դիմագրավել, և սիոնիստներին վերջ կտրվի»,-հայտարարել է հրամանատարը։

Իրանի Իսլամական Հանրապետության նախագահ Մահմուդ Ահմադիէժադը ելույթով հանդես եկավ, որտեղ Արևմուտքին մեղադրեց երկակի չափանիշների կիրառման մեջ, երբ խոսքը իսլամական արժեքների մասին է։ «Մահմեդականների անմեղությունը» ֆիլմը նա համարեց Մուհամմեդ մարգարեին սարսափելի վիրավորանք և հայտարարեց, որ դրա ստեղծումը և տարածումը իսրայելական դավադրության արդյունք է, որի նպատակն է իսլամական աշխարհում անկարգություններ առաջացնելը և Արևմուտքի հետ կոնֆլիկտ հրահրելը։

Ահմադինէժադի կարծիքով՝ Արևմուտքում երբեք թույլ չեն տվել ծաղրել Հոլոքոստը, մինդեռ լռում են, երբ ֆիլմերի և ծաղրանկարների միջոցով բացահայտորեն վիրավորում են Մուհամմեդ մարգարեին։