Քասախ գետի ափամերձ տարածքները կմաքրվեն կենցաղային աղբից

ՀՀ Շրջակա միջավայրի նախարար Ռոմանոս Պետրոսյանը հայտնում է․

«Հուլիսի 15-ին Արմավիրի մարզպետարանում կայացած Քասախ գետի կոշտ կենցաղային թափոններով աղտոտվածությանը և մաքրման աշխատանքներին ուղղված քննարկման արդյունքում համայնքի ղեկավարների հետ ձեռք է բերվել պայմանավորվածություն՝ Առատաշեն, Խորոնք, Ծաղկունք, Ամբերդ, Ծիածան, Դողս, Մրգաստան համայնքներում, ինչպես նաև Երևան-Արմավիր մայրուղու Քասախ գետի կամրջի հատվածում (Ծաղկունք և Հովտամեջ համայնքներ) կազմակերպել Քասախ գետի ափամերձ տարածքների կենցաղային աղբից մաքրմանն ուղղված միջոցառում՝ համապատասխան պետական մարմինների և համայնքների բնակչության մասնակցությամբ։

Խնդրում ենք ձեր մասնակցությամբ աջակցել Արմավիրին սույն թվականի օգոստոսի 7-ին ժամը 09:00-ից կազմակերպել վերոնշյալ միջոցառումը:

Հարգելի´ քաղաքացիներ, մենք նպատակ ունենք հետևողականորեն հասնել էկոհամակարգի համար սպառնալիք հանդիսացող մարդածին գործոնների ու որպես դրանց ածանցյալ՝ բնական երևույթների աստիճանական նվազեցմանն ու իսպառ բացառմանը»։