ՔՊ-ական մարզպետների անցած ուղին. Արարատ Գրիգորյան

Շարունակելով ներկայացնել ՔՊ-ական մարզպետների անցած ուղին` այսօր կանդրադառնանք Վայոց Ձորի մարզպետ Արարատ Գրիգորյանին: 

Մարզպետարանի կայքում տեղադրված վերջինիս կենսագրությունից պարզ է դառնում, որ Գրիգորյանը ունի աշխատանքային հետևյալ փորձը` 14.07.2012թ-ից առ 31.10.2019-ը փաստաբանական գործունեություն, 08.01.2017-30.12.2018թթ. ՀՀ փաստաբանների պալատի հանրային պաշտպանի գրասենյակի փաստաբան (հանրային պաշտպան), 10.08.2011- 30.12.2016թթ. ՀՀ մշակույթի նախարարության «Պատմամշակութային ժառանգության գիտահետազոտական կենտրոն» պետական ոչ առևտրային կազմակերպություն` որպես իրավաբան-խորհրդատու, 01.02.2015-01.12.2015թթ. Ա/Ձ Իշխան Անտոնյան, որպես իրավախորհրդատու, փաստաբան (համատեղությամբ), 14.02.2014-10.09.2014թթ. ՀՀ ոստիկանության կրթահամալիրի ակադեմիա` որպես քաղաքացիական իրավունք առարկայի դասախոս, 07.04.2010- 03.08.2011թթ. Ա/Ձ Բագրատ Գրիգորյան` որպես իրավախորհրդատու: 2019թ.hոկտեմբերի 31-ին նշանակվել է ՀՀ Վայոց ձորի մարզպետ: Օտար լեզուների իմացությունը՝ ռուսերեն (լավ), ֆրանսերեն (լավ), անգլերեն (տարրական) Զինապարտությունը՝ 2003-2005 թթ ծառայել է ՀՀ-ում ռուսական սահմանապահ զորքերում:

Մամուլում այս ընթացքում բազմաթիվ հրապարակումներ եղան, որ մարզպետարանում ստեղծվել են «ֆեյք» հաստիքներ: Մասնավորապես, քաղաքացիներից մեկի պնդմամբ՝ մարզպետարանում ստեղծվել են «ֆեյք» հաստիքներ` իշխանական ուժի ներկայացուցիչների մտերիմներին և «հեղափոխության» իրականացման մեջ իրենց «ավանդը» ներդրած անձանց «տեղավորելու» համար։

«ֆեյք» հաստիքներ բացելուց զատ, մարզպետը լծվել էր նաև հանքաարդյունաբերողների լոբբինգին: Մասնավորապես, Վայոց ձորի մարզպետարանը դատի է տվել Ջերմուկի և Եղեգնաձորի ավագանիներին: Մարզպետարանը ՀՀ վարչական դատարանից պահանջում է անվավեր ճանաչել ավագանիների որոշումները՝ Ջերմուկը, Եղեգնաձոր համայնքները էկո-տնտեսական տարածք դարձնելու և համայնքներում մետաղական հանքարդյունաբերությունն արգելելու վերաբերյալ: