Որքան արյունն է դաշտանի ընթացքում նորմալ. գինեկոլոգ Աննա Խաչիկյանի անդրադարձը

 Գինեկոլոգ Աննա Խաչիկյանը այս անգամ անդրադարձել է դաշտանային ցիկլի ժամանակ արյան կորստի  եւ ժամանակին.

Դաշտանի ընթացքում նորմալ համարվող արյան կորուստը կազմում է 50-150 մլ (կախված տևողությունից), միջինում՝ 80 մլ, տևողությունը 3-5 օր (առավելագույնը՝ 8), դաշտանային ցիկլի տևողությունը՝ 24-38 օր, ուժգին ցավեր առկա չեն։

- Արյան աննշան կորուստ՝ օրական կարիք կա փոխելու 1-2 միջադիրներ (մինչև 5 մլ արյուն և լորձ պարունակող արտադրություն)։
- Արյան քիչ կորուստ՝ օրական կարիք կա փոխելու 3-4 միջադիրներ (մինչև 9 մլ)։
- Արյան միջին կորուստ՝ միջադիրների փոփոխում ամեն 4 ժամը մեկ (12-18 մլ)։
- Արյան առատ կորուստ՝ միջադիրների փոփոխում ամեն 3 ժամը մեկ (մինչև 20-25 մլ)։
- Արյունահոսություն՝ միջադիրները հարկավոր է փոփոխել 1-2 ժամը մեկ, հարկավոր է այն փոփոխել նաև գիշերը, նկատվում են խտացած արյան կտորներ, առկա է գլխապտույտ, թուլություն, ստիպված եք հրաժարվել աշխատանքի/ուսումնական հաստատություն այցելելուց։

- Դաշտանի ընթացքում առատ արյան պատճառները կարող են լինել՝

- ադոնեմիոզը՝ արգանդի էնդոմետրիոզ,
- արգանդի միոման՝ հատկապես այն հանգույցները, որոնք դեֆորմացնում են արգանդի խոռոչը,
- արյան մակարդման խանգարումները` հեմոստազի համակարգի պաթոլոգիաներ,
- հիպերպլազիան, պոլիպները, արգանդի ացիկլիկ արյունահոսությունը, դաշտան, որը չի ավարտվում ինքնուրույն,
-  էնդոմետիտը՝ էնդոմետրիումի բորբոքում (սուր և քրոնիկ),
-  ներարգանդային պարույրը,
-  ինքնաբեր վիժումը,
-  ճարպակալումը։

  Դաշտանի ընթացքում քիչ արյունը կարող է լինել օլիգոմենորեայի (հազվադեպ` 35 օր և ավել ինտերվալով տեղի ունեցող դաշտան) կամ օպսոմենորեայի (սակավ՝2-3 օր տևող քիչ արյունային արտադրություն) հետևանք։ Ինչպես նաև քիչ արյան պատճառները կարող են լինել՝

- վիտամինների պակասը,
-  քաշի կորուստը,
- աուտոիմուն հիվանդությունները,
- հղիությունը,
- հակաբեղմնավորիչների ընդունումը,
- վիրաբուժական միջամտությունը,
- էնդոկրին խանգարումները,
- աբորտը կամ վիժումը,
- մինչդաշտանադադարային ընթացքը,
- ինտենսիվ մարզումները,
- մշտական սթրեսը, դեպրեսիաները։

 

 

 

 

 

View this post on Instagram

 

 

 

 

 

 

 

 

 

 

 

A post shared by

Կիսվել