ՔՊ-ի «երազողը». ի՞նչ կապ ունի ՏՏ ոլորտի հաջողությունների հետ Հակոբ Արշակյանը

ԲՏԱ նախկին նախարար, ներկայումս ԱԺ փոխխոսնակ Հակոբ Արշակյանն այսօր խոսել է ՏՏ ոլորտի ապագայի մասին: «2020 թվականի տվյալներով՝ շրջանառությունը հասել է 200 մլրդ դրամի, աշխատողների թիվը՝ 18 հազար, ոլորտի մասնաբաժինը ՀՆԱ-ում՝ 3.2 տոկոս: Սա նշանակում է, որ շրջանառությունը եռապատկվել է, իսկ ՀՆԱ-ում մասնաբաժինը կրկնապատկվել է։ Մինչեւ 2025 թվականը ոլորտը հավակնում է ունենալ 500 մլրդ դրամի շրջանառություն, աշխատողների թիվը գերազանցել է 35 հազարը, իսկ ոլորտի մասնաբաժինը երկրի ՀՆԱ-ում հասել է 6.2 տոկոսի: Այս պահին երկրին բարձր տեխնոլոգիաների ոլորտում անհրաժեշտ կլինեն 16 հազար նոր աշխատակիցներ»,- ասել է նա:

Ըստ էության, Արշակյանը փորձում է հանրությանը ցույց տալ, որ արձանագրված ցուցանիշները նաև իր շնորհքն են, սակայն, հանրությունը շատ լավ է հիշում, թե Արշակյանի նախարար աշխատած տարիներին բարձր արդյունաբերական տեխնոլոգիաների, ՏՏ ոլորտը ինչ «բարձունքների» է հասել: Արշակյանն ի պաշտոնե ուշագրավ խոստումներ էր տվել: Օրինակ, որ «Հայաստանը պետք է հանդես գա որպես տարածաշրջանային էկոհամակարգի կենտրոն»: Այդ խնդրի լուծումը նախարարը, թերևս, տեսնում է օրինակ` Յութուբից ստացվող շահույթը հարկելով, քանի որ տարածաշրջանային էկոհամակարգի կենտրոն դառնալուց Հայաստանն այս պահին այնքան հեռու է, որքան դա ընդհանրապես հնարավոր է: 

Նախարարության վերակազմակերպումից հետո Ռազմարդյունաբերական համալիրը տեղափոխվել է ՀՀ բարձր տեխնոլոգիական արդյունաբերության նախարարության ենթակայության ներքո եւ, ըստ էության, կառավարությունում ստեղծել են իրավիճակ, երբ կա ռազմարդյունաբերությամբ զբաղվող նախարարություն, որի հիմնական առաքելությունն է տեխնոլոգիաները կիրառելով՝ ստեղծել ռազմարդյունաբերական ոլորտում նոր մշակումներ եւ ծրագրեր՝ զենքի, զինամթերքի, սպառազինության արդիականացման մասով: Այժմ հարց՝ իսկ որտե՞ղ են այդ մշակումները և ծրագրերը, ինչո՞ւ դրանք չօգնեցին և չաշխատեցին պատերազմի օրերին:

Հետևաբար, եթե ինչ-որ մեկն էլ պետք է խոսի ոլորտում առկա հաջողությունների մասին, ապա դա, վստահաբար, Արշակյանը չէ...:

Այս թեմայով Ատելի ղեկավարները վաղ թե ուշ շատ անփառունակ են հեռանում․ Անժելա Էլիբեգովա Փոփոխություններ են կատարվել արցախցիներին բնակապահովման պետական աջակցության ծրագրի ընթացակարգում Չորս մարզերին 318,8 մլն դրամ կհատկացվի. գերակշիռ մասն ուղղված է Լոռու և Տավուշի մարզերում աղետի վերացմանը Փաշինյանի կառավարությունը հերթական դպրոցն է փակում ՈւՂԻՂ. Կառավարության հերթական նիստը