Պատժամիջոցներ՝ ծանր հարված Իրանին

Իսրայելական կառավարության նոր զեկույցում կարծիք է հայտնվում, որ վերջին պատժամիջոցները Իրանին ծանր հարված են հասցնում, գրում է Associated Press-ը։

Իսրայելի արտաքին գործերի նախարարության զեկույցում նշվում է, որ Իրանի նավթի արտահանումները կրճատվել են անցյալ տարվա համեմատ, իսկ սննդի և էլեկտրականության գները կտրուկ աճել են։

Իսրայելական պաշտոնյան հաստատել է այդ զեկույցը։ Նա խոսել է անանունության պայմանի մասին՝ ասելով, որ իրավունք չունի քննարկել ներքին քաղաքականությանը վերաբերող փաստաթղթեր։

Ակնկալվում է, որ Նետանյահուն հինգշաբթի ՄԱԿ-ում պնդելու է, որ միջազգային պատժամիջոցները չեն ստիպել Իրանին դադարեցնել իր միջուկային ծրագիրը։

Իսրայելը և ԱՄՆ հավատացած են, որ Իրանը ձգտում է միջուկային զենք ստեղծել և դրանով իսկ սպառնալ Իսրայելի գոյությանը։ Իրանն իր հերթին հերքում է այդ մեղադրանքները։