Լևոն Արոյանը միացավ ԱՄՆ շախմատի ֆեդերացիային. նա հանդես կգա ԱՄՆ դրոշի ներքո

Բայց եթե լուրջ, ապա մի քանի բան ուզում եմ ասել։ Նախ, ինչ դրոշի տակ էլ հանդես գա Լևոն Արոնյանը, նա մնալու է հայ շախմատիստ։ Իհարկե, ժողովրդի ասած սա ք*ք սրտի մխիթարանք է, բայց, այնուամենայնիվ, դա այպես է։ Գումարած դրան, նա մարդ է, որ բազում հաղթանակներ է պարգևել մեր ժողովրդին ու երկրին։ Դրա համար առանձին շնորհակալություն Արոնյանին։ Հուսով եմ՝ իր մարզական կարիերան կշարունակի վերելք ապրել ու ի դեմս Արոնյանի, մի օր մենք կունենանք աշխարհի նոր չեմպիոն։

 

P.S. Ի դեպ, զուտ մարզական տեսակետից սա շատ հետաքրքիր փորձարկում կարող է լինել։ Հայտնի է, որ ԱՄՆ-ում Արոնյանը մարզիչների ու սեկունդանտների լուրջ աջակցություն է ունենալու։ Տեխնիկական ու ֆինանսական հնարավորություններն էլ են այնտեղ շատ։ Տեսնենք ի՞նչ կտա դա Արոնյանին։ Իսկ մինչ այդ շարունակենք հետևել աշխարհի չեմպիոնի կոչման համար այս օրերին ընթացող Մագնուս Կառլսեն - Յան Նեպոմնյաշի անչափ հետաքրքիր մրցավեճին»:

 

Հիշեցնենք, որ Լեւոն Արոնյանը մշտական բնակություն է հաստատել ԱՄՆ-ում։ Այս ընթացքում նաեւ գտնվում է ԱՄՆ-ում մարզական քաղաքացիություն ստանալու գործընթացում։ 

 

«Ես չեմ հրաժարվել Հայաստանից, ուղղակի այդպես է ստացվել։ Հայաստանում որեւէ մեկից դժգոհ չեմ։ Եթե պետք է ծառայեմ իմ ազգին, պետք է այն քայլերին դիմեմ, որոնցով կկարողանամ ծառայել իմ ազգին։ Ես նվիրված եմ իմ հայրենիքին, մտքերս եւ խոսքերս պարզ են, հպարտ քայլում եմ եւ անում իմ աշխատանքը։

Հասկանալի է, որ մեր երկիրն այսօր մեծ փորձությունների միջով է անցնում։ Կարծում եմ՝ այս շրջանում մեր հույսը չպետք է կորցնենք։ Գլխավորն այն է, որ ամենքս մեր բնագավառում մեր գործը շարունակենք։ Ես շախմատիստ եմ եւ ուզում եմ, որ շախմատն այս երկրում զարգանա, չկորի։

Ես Հայաստանում չեմ ապրում, բայց Հայաստանն ինձ համար ապրելու լավագույն տեղն է աշխարհում։ Այս պահին, եթե ես պետք է կենտրոնանամ իմ շախմատային պոտենցիալի վրա, հասցնեմ այն առավելագույնի, չեմ կարող ապրել Հայաստանում։ Պետք է դրսում ապրեմ, որովհետեւ այնտեղ է այն պայմանները եւ այն վերաբերմունքը, որն ինձ անհրաժեշտ է։ Շատ մարդկանցից այդ վերաբերմունքն այստեղ կա։ Մեր ազգն ու ժողովուրդը շատ է սիրում շախմատ, բայց այդպես է լինում, որ քո երկրի իշխանությունը ինչ-որ մի ճանապարհ է տեսնում եւ որոշում է, որ դա է ճիշտը։ Այստեղ դու չես կարող ասել՝ ոչ, սա է ճիշտ։ Դու քո կարծիքն ես հայտնում, բայց քո պետությունը որոշում է ինչ-որ մի ճանապարհով գնալ։ Կարող ես նեղանալ, բայց ես չեմ նեղանում։ Ես գիտեմ, որ իմ ճանապարհը պետք է անցնեմ»,- հայտարարել էր Լեւոն Արոնյանը։