Գիտնականները պարզել են, թե որ տղամարդիկ են ավելի հաճախ սեքսով զբաղվում

Լոնդոնի համալսարանական քոլեջի և Անգլիայի Ռասկին համալսարանի մի խումբ գիտնականներ հետազոտության ընթացքում պարզել են, որ ավելորդ քաշ ունեցող տղամարդիկ ավելի հաճախ են սեքսով զբաղվում, քան իրենց` սլացիկ մարմնով հասակակիցները: Հարցմանը մասնակցել են Միացյալ Թագավորության 50 և ավելի տարեկան մոտ 5000 սեռական ակտիվ բնակիչներ, հաղորդում է հինգերորդ ալիքը։

Հարցման անսպասելի արդյունքը հետազոտողները բացատրում են նրանով, որ ավելորդ քաշ ունեցող տղամարդիկ ավելի հաճախ են սեքսով զբաղվում, քան նիհարները, քանի որ ավելի ինքնավստահ են։ Գիտնականների կարծիքով՝ ուժեղ սեռի ներկայացուցիչները, ովքեր ավելորդ քաշ ունեն, ավելի երջանիկ հարաբերությունների մեջ են, ինչն ազդում է ինչպես սեռական ակտիվության, այնպես էլ ախորժակի վրա։

Գեր տղամարդկանց մոտ այն հիմնված է մի շարք գործոնների վրա. Սովորաբար նրանք արդեն ունեն մշտական ​​զուգընկեր, ում հետ երկար ժամանակ հարաբերությունների մեջ են։ Այդ իսկ պատճառով նման մարդիկ դադարում են հետևել իրենց քաշին։ Նրանք գործնականում սպորտով չեն զբաղվում, ինչպես նաև հազվադեպ են հրաժարվում համեղ սնունդից։ Այս ամենը նրանց թույլ է տալիս պահպանել ինքնավստահությունը, ինչն օգնում է ինտիմ կյանքում։ Միաժամանակ նիհար տղամարդիկ ինքնաքննադատ են և հաճախ են հետևում իրենց կազմվածքին։ Նրանք կասկածում են իրենց գրավչությանը, ինչը հանգեցնում է սեքսի հետ կապված խնդիրների։ Նիհար տղամարդիկ կոմպլեքսավորված են: Նրանք պետք է անընդհատ նոր զուգընկերներ գտնեն, իսկ դա լուրջ մոտիվացիա է քաշը նորմալ պահելու համար։