Երեք տարի է պրեմյա եք տալիս՝ դա կոռուպցիա չէ՞. Գալջյանը՝ Մարությանին
Տեսանյութեր«Երբ որ շենքեր էին գրավում, պատգամավորներին էին հետապնդում, ԱԺ նախագահին փորձում սպանել, պատգամավորներին էին հետապնդում։ Երբ որ հակահեղափոխություն էր, որտե՞ղ էր հեղափոխական Երևանի քաղաքապետը՝ աշխատասենյակում դիմակով փակվա՞ծ, թե կուսակցությունից դուրս գալու դիմում գրելով էր զբաղված». Այս մասին այսօր՝ դեկտեմբերի 22-ին, Հայկ Մարությանին անվստահություն հայտնելու նախագծի քննարկման ժամանակ ասաց Երևանի ավագանու «Իմ քայլը» խմբակցության ղեկավար Արմեն Գալջյանը՝ հավելեով, որ հեղափոխության արժեք բառը օգտագործելով հեղափոխության արժեքի պահպանող չեն դառնում։
«Կոռուպցիայից է խոսում՝ որ գաղտնի պարգեվավճար են տվել։ Գաղտնի, ոչ գաղտնի՝ ի՞նչ կապ ունի, եթե պրեմյան կոռուպցիա է, ինչի էիք ստեղ երկու տարի տալիս, ստեղ կոռուպցիա չի՞, կառավարությունում կոռուպցիա՞ է»։
Մարությանը նշել էր, թե մի շարք պաշտոնյաների կողմից իրենց մերձավորների համար ապօրինությունների դիմելու խնդրանքներ էր ստանում։ Ըստ Գալջյանի՝ անուններ պետք է թվել։
«Կամ երբ որ խոսվում է զանգերի մասին, պաշտոնյաների կողմից հողերի ու տարածքների հետ կապված՝ պետք է անուններ տրվեն, դա ասելով չէ։ Ոչ մի անգամ մեր խմբակցության նիստի, կամ առանձնազրույցի ժամանակ Մարությանը մեզ չի ասել, որ ձեր թիմակիցը զանգում է, խնդրում օրենքից դուրս գանք։ Երեք տարի ասեիք մեզ, մենք էլ միջոցներ ձեռնարկենք։ Եթե այդ տրամաբանությամբ գնային՝ այս շենքում էլ մարդիկ են աշխատում, ովքեր մերձավոր կապեր ունեն պարոն Մարությանի հետ՝ բնակարանի պրարաբը, էլի աշխատակիցներ։ Հիմա իրանց գույքային վիճակը նայեք։ Ազատման դիմում է չէ գրել՝ ուրա՞ հիմա, ինչի՞ աշխատանքից դուրս եկավ, կարողա՞ երկրում չի արդեն, երևի պետք է պարզել։ Պրեմյաներից եք խոսում ՝ աղբահանության հիմնարկում երկու տարի է պրեմյա են լափում։ Ստեղ նորմալ է՝ չի նկատվո՞ւմ, չի՞ ուզում դրա մասին խոսել»։
Գալջյանը նաև նշեց, թե կապ չունի 2018-ին ներկայանում էին որպես Իմ քայլ, թե ՔՊ, կարևորն այն է, որ ձայների մեծամասնություն պահպանել են և երեք տարի առաջ, և հիմա։
«Ուրախ եմ, որ Մարությանը վերջապես քաղաքական հայտ ներկայացրեց, կարծում եմ ձախողված էր, երևի սկիզբն ու ավարտը իրար հետ լիներ»։ Գալջյանը նշեց, որ տոնայնությունը ու դիրքորոշումները նիստի սկզբում այլ տոնի մեջ էին, այլ նպատակ ունեին, սակայն Մարությանի ելույթը ստիպեց իրեն կոպիտ արտահայտվել։
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
