Փեսան երգի պատճառով ամուսնալուծվել է հարսնացուից հենց հարսանիքի ժամանակ

Իրաքի Բաղդադ քաղաքում 21-րդ դարի համար բավականին զվարճալի դեպք է տեղի ունեցել: Տեղի ՔԿԱԳ-ն արդեն հասցրել էր գրանցել այս տարվա ամենաարագ ամուսնալուծությունը։ Սակայն հազիվ թե որևէ մեկը կարողանա գերազանցել այս ռեկորդը, քանի որ փեսան պաշտոնապես բաժանվել է հարսնացուից հենց հարսանիքի ժամանակ, հայտնում է Gulf News-ը։ Նման կայծակնային բաժանման պատճառն էլ ավելի զավեշտալի է դարձնում իրավիճակը։ Պարզվում է` բաժանման պատճառը .. երգն է եղել:

Հարսանիքի ժամանակ, երբ արդեն անցել էր պաշտոնական մասն ու սկսվել էր շնորհավորանքներն ու ելույթները, բեմ բարձրացավ հարսը։ Ըստ երևույթին, աղջիկն անմիջապես որոշել էր ցույց տալ, որ այժմ, երբ ամուսնությունն արդեն կնքված է, հենց ինքն է լինելու տան տիրուհին։ Ուստի նա պարել է սիրիացի երգչուհի Լամիս Կանի «Mesaytara» երգի ներքո, որը բառացիորեն թարգմանվում է որպես «Ես իշխում եմ»։

Սակայն փեսան և նրա ընտանիքը, ըստ երևույթին, չեն կիսում մայրիշխանության գաղափարները, ուստի հարսի ելույթը որպես սադրանք են ընդունել։ Քննարկելու բան չկար՝ ամուսինն անմիջապես դիմել է ադմինիստրացիային՝ ամուսնությունը հնարավորինս շուտ լուծարելու համար։ Այնուամենայնիվ, դուք նույնպես կարող եք դա հասկանալ, պարզապես պետք է նայեք երգի հատվածի թարգմանությանը

«Ես իշխում եմ, և դու ապրելու ես իմ խիստ հրահանգներով։

Ես կլքեմ քեզ, եթե փողոցում մեկ այլ աղջկա նայես։

Այո, սիրելիս, ես վերահսկելու եմ քեզ ամեն ինչում:

Քանի դեռ դու ինձ հետ ես, դու ապրում ես իմ կանոններով, ես քեզ զգուշացրել եմ»,- սա էլ մի հատված երգից: