Աղջիկը ցուցադրել է ինտիմ պիրսինգի սարսափելի հետեւանքները

Աղջիկը տեսանյութով ցուցադրել է ինտիմ պիրսինգի սարսափելի հետևանքները և սարսափեցրել համացանցի օգտատերերին։ Համապատասխան տեսանյութը հայտնվել է TikTok-ում։

Մեծ Բրիտանիայի 21-ամյա բնակչուհին` «lallyllama» մականունով, պատմել է, որ որոշել էր կրծքերի պիրսինգներ անել։ Ըստ նյութի հերոսուհու՝ վարպետը խորհուրդ էր տվել իրեն քնել մեջքի վրա՝ հյուսվածքների ապաքինման շրջանում վնասվածքներից խուսափելու համար։ Աղջիկը, սակայն, անտեսել է խորհուրդը և քնել է փորի վրա, ինչի արդյունքում արթնացել է «արյան լճակի մեջ»։

Կադրերում աղջիկը վեր է քաշել վերնաշապիկը և վարդագույն կրծկալի վրա բոսորագույն բծեր ցույց տվել: «Ես այնքան ցնցված էի, թե որքան արյուն կար: Դա տեղի է ունեցել ծակելուց 13 օր հետո, զգույշ եղեք»,- ասել է նա։ Հրապարակումը վիրուսային է դարձել և հավաքել 1,8 միլիոն դիտում:

Օգտատերերին վախեցրել է բրիտանուհու պատմությունը, և նրանք սկսել են այդ մասին գրել մեկնաբանություններում։ «Սա կընդունեմ որպես նշան, որ երբեք չծակեմ պտուկներս», «Աստված իմ», «Պաշտոնապես հետաձգում եմ իմ պիրսինգի նշանակումը», «Իմն էլ է այդպես արյունահոսել, ես վախեցած էի, բայց դա այլևս չկրկնվեց», «Ինձ հետ էլ է նույն բանը պատահել, բայց արյունն ավելի քիչ էր»,- գրել են նրանք։