Վրաստանում վթարի հետևանքով նավթամթերքը լցվել է Քուռ գետը (տեսանյութ)
ՏեսանյութերՎրաստանի հարավում ՃՏՊ-ից հետո նավթամթերքի արտահոսք է տեղի ունեցել Քուռ դեպի գետը։ Jnews-ի փոխանցմամբ, այս մասին հայտնել է «Հարավային դարպաս»-ը։
Վթարը տեղի է ունեցել այսօր Ախալցիխե-Ասպինձա ավտոճանապարհին (Սամցխե-Ջավախքի շրջան): Տարածված տեղեկատվության համաձայն՝ ավտոցիստեռնից մինչև 23 տոննա հանքաձյութ է արտահոսել, նավթամթերքի մի մասը հայտնվել է Քուռ գետում։
ՃՏՊ-ի հետևանքով տուժածների մասին տեղեկություններ չկան։ Բեռնատարի վարորդը՝ Թուրքիայի քաղաքացին, Ադրբեջանից Թուրքիա էր տեղափոխում նավթային բիտում։ Նախնական տվյալներով՝ նա շրջադարձում չի կարողացել կառավարել ավտոմեքենան, և ավտոմեքենան կողաշրջվել է։
Փրկարարների օգնությամբ ավտոցիստեռնն արդեն քարշակվել է դեպի կայանատեղի։ Դեպքի վայրում մոբիլիզացված են Վրաստանի Գյուղատնտեսության նախարարության Բնապահպանական վերահսկողության բաժանմունքի աշխատակիցները։ Փորձագետները գետից ջրի նմուշառում են կատարել: Առայժմ գերատեսչությունից պաշտոնական մեկնաբանություններ չեն ստացվել։
Ամենադիտված 
ՀՀ ՊՆ–ն հայտարարություն է տարածել
