Տղամարդն անջատել է ամբողջ քաղաքի համացանցը, որպեսզի իր երեխաները կարողանան իրենց տնային աշխատանքները կատարել
ԱյլՖրանսիացուն սպառնում է ազատազրկում` ամբողջ քաղաքում համացանցն անջատելու համար, հայտնում է New York Post-ը: Տղամարդը դա արել է, քանի որ իր երեխաները չափազանց շատ ժամանակ էին անցկացնում համակարգչի մոտ և սոցիալական ցանցերում։
ԶԼՄ-ների տվյալներով՝ միջադեպը տեղի է ունեցել Մեսանժ քաղաքում։ Տղամարդը, ում անունը չի հաղորդվում, զայրացել է, որ իր երեխաները չեն անում իրենց տնային աշխատանքները, այլ նստած են սոցիալական ցանցերում և խաղում են համակարգչով, ուստի որոշել է արգելափակել նրանց մուտքը համացանց։
Տղամարդը հատուկ «խլացուցիչ» է գնել, որն արգելափակում է տան մեջ համացանցի մուտքը։ Սակայն նա չգիտեր, որ սարքը ինտերնետից զրկել է ոչ միայն իր երեխաներին, այլեւ քաղաքի բոլոր բնակիչներին։
Բնակիչների բողոքից հետո փորձագետները պարզել են արգելափակման աղբյուրը։ Ֆրանսիայի օրենսդրության համաձայն՝ տղամարդու տեղադրած նման «խլացուցիչներն» արգելված են, ուստի նրա դեմ քրեական գործ է հարուցվել։
Ֆրանսիացուն սպառնում է մինչև 30 հազար եվրո տուգանք և մինչև վեց ամիս ազատազրկում: