Փաշինյանի՝ միջազգային մակարդակով «հարց լուծողի» կեղծ ամպլուան և իրականությունը

Երեկ ուշ երեկոյան պաշտոնական Կրեմլը տարածեց Նիկոլ Փաշինյանի և Վլադիմիր Պուտինի հեռախոսազրույցի մասին տեղեկատվություն, սակայն, ուշագրավն այն է, որ ինչպես և նախորդ անգամները, այս անգամ էլ Երևանի և Մոսկվայի տարածած հաղորդագրոթյունների տեքստերը միմյանցից տարբերվում էին:

Դիցուք՝ սա Կրեմլի պաշտոնական կայքում առկա հաղորդագրությունն է երեկ կայացած հեռախոսազրույցի մանրամասների վերաբերյալ:

Ահա Նիկոլ Փաշինյանի աշխատակազմի տարածած հաղորդագրությունը` նույն հեռախոսազրույցի մանրամասներով:

Ինչպես տեսնում ենք` Կրեմլի կայքում որևէ անդրադարձ չկա այն մասին, որ զրուցակիցներն անդրադարձ են կատարել Ուկրաինային կամ գլոբալ անվտանգային խնդիրներին: Փոխարենը` հայկական կողմը մոռացել է նշել Մոսկվայի` դեմարկացիայի և դելիմիտացիայի գործընթացի արագացման ցանկության մասին:

Սա առաջին դեպքը չէ, երբ Փաշինյանի աշխատակազմը նման մանեվրի է դիմում՝ խմբագրելով հաղորդագրությունների տեքստերը:

Ահա 2021 թվականին կայացած Պուտին-Փաշինյան հեռախոսազրույցի մասին հաղորդագրությունները, որոնցից պարզ է դառնում, որ Փաշինյանը Կրեմլի ռելիզից տարբերվող ռելիզ է տարածել:

Ահա Կրեմլի տարածած հաղորդագրությունը՝

Ինչպես տեսնում ենք՝ հայկական կողմը մոռացել է հիշատակել, որ հեռախոսազրույցի նախաձեռնությունը հենց Փաշինյանինն է, ինչպես նաև մոռացել է ընդգծել, որ ձեռք է բերվել շփումները տվյալ հարցով շարունակելու համաձայնություն: Փոխարենը` հայկական կողմի տարածած հաղորդագրության մեջ խոսվում է Փաշինյանի կողմից՝ ադրբեջանցիների հարձակումը ագրեսիա որակելու և հայ-ռուսական ռազմավարական համագործակցության հույժ կարևորության մասին: Մյուս կողմից էլ վերահաստատվում է հայկական կողմի հավատարմությունը ստորագրած կապիտուլյացիոն ակտի կետերի նկատմամբ:

Փաշինյանի աշխատակազմը խեղաթյուրել է նաև ԱՄՆ պետքարտուղար Էնթոնի Բլինքենի հետ ունեցած հեռախոսազրույցի հաղորդագրության մեջ առկա շեշտադրումները: Ահա այն հաղորդագրությունը, որը տարածել է այդ առիթով ՀՀ-ում ԱՄՆ դեսպանատունը:

Ահա այդ նույն հաղորդագրությունը հայկական կողմի մատուցմամբ՝ անհամեմատ ավելի ճոխ և ազդեցիկ շեշտադրումներով, որոնք բացակայում են ամերիկյան կողմի տարածած ռելիզի մեջ:

Ամիսներ առաջ Հայաuտանի կառավարnւթյան տարածած հաղnրդագրnւթյան hամաձայն՝ Նիկոլ Փաշինյանն nւ Էբրահիմ Ռաիսին խnuել են տարածաշրջանnւմ ընթացnղ գnրծընթացների, ինչպեu նաև տնտեuական hամագnրծակցnւթյան մաuին։ Նշվել է նաև, nր Իրանը վարչապետին nւ հայ ժnղnվրդին շնորհավnրել է Նոր տարվա և Սուրբ Ծնnւնդի առթիվ, իuկ Փաշինյանը շնորhավnրել է Իրանի քրիստոնյաներին նույն առիթով՝ շնորհակալnւթյուն hայտնելով Իրանին հայության պահպանման համար պայմաններ ստեղծելnւ hամար։ ՀՀ կառավարnւթյnւնը հաղորդագրnւթյան մեջ հարկ չի համարել նշել, որ Իրանի նախագաhը պաշտպանnւմ է Հայաստանի ինքնիշխանnւթյnւնը «բոլոր տարածքների nւ ճանապարhների նկատմամբ»։ Կառավարnւթյnւնը չի հuտակեցրել նաև, թե «hայկական և ադրբեջանական կnղմերի» միջև ինչ «անցակետեր hանելու» մաuին է խոսում իրանական կողմը։ Դատելnվ իրանական կողմի hաղnրդագրnւթյունից՝ պայմանավnրվածnւթյուն կա Գորիu-Կապան ճանապարhի կամ կառուցվող Հորադիզ-Նախիջևան երկաթուղnւ Մեղրիի hատվածnւմ անցակետերը hանելու մաuին։ Թեհրանն աuում է, nր ճանաչnւմ է Հայաuտանի ինքնիշխանnւթյnւնը այu ճանապարhների նկատմամբ՝ ակնարկելnվ, nր Երևանը չհանձնի hայ-իրանական ինքնիշխան սահմանը։ Հեռախասազրույցի վերաբերյալ ՀՀ կառավարnւթյան hաղորդագրnւթյան մեջ այս թեմաների հիշատակման բացակայnւթյnւնը շատ բաների մասին է վկայում։

2020 թվականի դեկտեմբերի 31-ին Նիկոլ Փաշինյանի եւ Բելառուսի նախագահ Ալեքսանդր Լուկաշենկոյի միջեւ հայկական կողմի նախաձեռնությամբ հեռախոսազրույց է տեղի ունեցել: Այնուհետ, երկու երկրների ղեկավարների աշխատակազմերը տարածել են հաղորդագրություններ, որոնց բովանդակությունները զգալիորեն տարբերվում են միմյանցից: Հայկական կողմը հեռախոսազանգի վերաբերյալ տեղեկատվության հարցում խիստ սահմանափակ է եղել: Միայն նշել են, որ զրուցակիցները տեղեկատվություն են փոխանակել Հայաստանում և Բելառուսում Covid-19 վիրուսի տարածման հետևանքով ստեղծված համաճարակային իրավիճակի և կառավարությունների կողմից այդ կապակցությամբ ձեռնարկվող միջոցառումների վերաբերյալ:

Իսկ ահա բելառուսական կողմի հաղորդագրության մեջ նշվում է, որ քննարկվել են նաեւ գազի գնի վերաբերյալ հարցեր․ այս դրվագը, սակայն, բացակայում է ՀՀ վարչապետի աշխատակազմի տարածած տեղեկատվության մեջ: «Ալեքսանդր Լուկաշենկոն ու Նիկոլ Փաշինյանը շեշտել են բնական գազի գնի բարձր մակարդակը՝ նշելով, որ այն չի համապատասխանում համաշխարհային մակարդակին և ստեղծված իրավիճակին ընդհանրապես»,- նշված է Բելառուսի նախագահի մամուլի ծառայության հաղորդագրությունում:

Ինչպես տեսնում ենք՝ Նիկոլ Փաշինյանի մոտ արդեն սովորություն է դարձել խմբագրել այս կամ երկրի ղեկավարի, բարձրաստիճան պաշտոնատար անձի հետ ունեցած զրույցները և սեփական միամիտ հանրությանը դրանք ներկայացնել յուրահատուկ շեշտադրումներով, որոնք կշիռ և միջազգային հեղինակություն են հաղորդում Փաշինյանին: Սակայն, այն, որ այդ կշիռն ու միջազգային հեղինակությունը, գլոբալ մակարդակում հարց լուծողի դերը Փաշինյանի համար իլյուզոր է, ակնհայտ է....