«Միայն Կիևի շրջանում հայտնաբերվել է 1200 դի». Իրինա Վենեիկտովա

Ուկրաինայի գլխավոր դատախազ Իրինա Վենեդիկտովան բրիտանական Sky News հեռուստաալիքին տված հարցազրույցում ասել է, որ Կիևի շրջանի քաղաքներում, որտեղից հեռացել են ռուս զինվորականները, արդեն հայտնաբերվել է ավելի քան 1200 դի։

 «Ապրիլի 10-ի առավոտվա դրությամբ մենք հայտնաբերել ենք Կիևի շրջանի ռուսական օկուպացիայի ժամանակ զոհված 1222 բնակչի դի, սա միայն Կիևի մարզում է»,- ասել է նա։

 Սա, հավանաբար, վերջնական ցուցանիշը չէ։  Ուկրաինայի ներքին գործերի նախարար Դենիս Մոնաստիրսկին հայտարարել է, որ միայն Բուխանսկի շրջանում զոհերի թիվը հաշվելու համար շաբաթներ կպահանջվեն։

 Ուկրաինայի իշխանությունները ռազմական հանցագործությունների կասկածանքով 5600 գործ են հարուցել, հավելել է Վենեդիկտովան։

 «Մենք տեսնում ենք ռազմական հանցագործություններ, մարդկության դեմ հանցագործություններ Ուկրաինայի բոլոր շրջաններում»,- հավելել է գլխավոր դատախազը։

 Ռուսական իշխանությունները հերքում են ջարդերին մասնակցությունը և նույնիսկ կասկածի տակ են դնում սպանությունների փաստը։