Միայն Անկարան կարող է առաջընթաց ապահովել Ռուսաստանի եւ Ուկրաինայի միջեւ բանակցություններում․ Էրդողան

Միայն Անկարան կարող է առաջընթաց ապահովել Ռուսաստանի եւ Ուկրաինայի միջեւ բանակցություններում, վստահ է Թուրքիայի նախագահ Ռեջեփ Էրդողանը։

Նրա խոսքով՝ Թուրքիան այսօր միակ երկիրն է, որը կարող է սերտ հարաբերություններ պահպանել երկու կողմերի հետ եւ ապահովել առաջընթացի ձեռքբերումը՝ կողմերի միավորմամբ, հաղորդում է ՏԱՍՍ-ը։

Նա նշել է, որ Թուրքիան խորապես զգում է ռուսական եւ ուկրաինական ճգնաժամի հետեւանքները, հատկապես էներգիայի եւ սննդամթերքի գների հետ մասով։ «Մենք չենք կարող կանխել նավթի եւ բնական գազի գների էքսպոնենցիալ աճը։ Մեզ խիստ մտահոգում է սննդի արդյունաբերության մեջ օգտագործվող հումքի թանկացումը»,-ասել է նա։