Հրապարակվել են Պուտինի եկամուտների ու ունեցվածքի մասին տվյալները

ՌԴ նախագահ Վլադիմիր Պուտինի եկամուտը 2021 թվականին կազմել է 10,2 մլն ռուբլի։ Կրեմլի կայքում հրապարակված են Ռուսաստանի նախագահի և կառավարության անդամների հայտարարագրերը։

Վլադիմիր Պուտինը ունի մեկ բնակարան և ավտոտնակ, երկրորդ բնակարանը շահագործվում է։ Եվ, ինչպես նախկինում, Ռուսաստանի ղեկավարն ունի 2 մեքենա՝ «ԳԱԶ Մ21», «Նիվա» և «Սկիֆ» կցասայլ։

Վերջին հինգ տարիների ընթացքում Պուտինի ամենաբարձր եկամուտը եղել է 2017 թվականին՝ ավելի քան 18 միլիոն ռուբլի, ինչը բացատրվում է 1500 քմ մակերես հողամասի վաճառքով։

Համեմատության համար նշենք, որ վարչապետ Միխայիլ Միշուստինի եկամուտը 2021 թվականին կազմել է 18,3 մլն ռուբլի, իսկ արդյունաբերության և առևտրի նախարարության ղեկավար Դենիս Մանտուրովը՝ 704,7 մլն ռուբլի։