Մարիուպոլում զինվորականների ոչնչացումը վերջ կդնի Ռուսաստանի հետ բանակցություններին. Ուկրաինայի նախագահ

Ուկրաինայի նախագահ Վլադիմիր Զելենսկին հայտարարել է, որ եթե Ռուսաստանը ոչնչացնի ուկրաինացի զինվորականներին Մարիուպոլում, դա վերջ կդնի Կիևի և Մոսկվայի միջև բանակցություններին, գրում է «Ուկրաինսկայա պրավդան»։

«Մարիուպոլը կարող է տասը Բորոդյանկայի պես լինել, և ես ուզում եմ ասել, որ մեր զինվորականների, մեր տղաների ոչնչացումը վերջ կդնի բոլոր բանակցություններին։ Խուլ անկյուն, քանի որ մենք տարածքների և մեր ժողովրդի առևտուր չենք անում։ Եվ որքան շատ լինի Բորոդյանկան, այնքան ավելի դժվար կլինի»,- ասել է Զելենսկին։

Նրա խոսքով, ընդհանուր առմամբ Մարիուպոլում իրավիճակը շատ ծանր է:

«Մեր զինվորները արգելափակված են, վիրավորներն արգելափակված են: Կա հումանիտար ճգնաժամ, չկա սնունդ, չկա ջուր, չկա դեղորայք: Այդուհանդերձ, տղաները պաշտպանվում են: Եվ միայն շնորհակալությունը քիչ է, քանի որ բանակցային գործընթացները շարունակվում են։ Անկեղծ ասած, Մարիուպոլի հարցով բանակցողների նկատմամբ վստահություն չկա»,- ասել է նա։

Ուկրաինայի նախագահը նաեւ նշել է, որ կողմերը պայմանավորվել են, որ կլինեն հումանիտար միջանցքներ։

«Ուզում էին վիրավորներին տանել՝ մեր կանանց ու երեխաներին, բայց Ռուսաստանը մերժեց։ Ի՞նչը կարող է փրկել Մարիուպոլը: Սա հզոր զենք է, որը պետք է հնարավորինս շուտ տրամադրել: Երկրորդը բանակցությունների հարցն է։ Զինադադարը խիստ անհրաժեշտ է վիրավորներին տանելու համար: Բայց դա կախված է Ռուսաստանի ցանկությունից։ Նրանք մեր ժողովրդին հրավիրում են հանձնվելու։ Այնտեղ մեր զինվորականներին այլ կերպ են վերաբերվում։ Եվ դուք դա շատ լավ գիտեք։ Եվ կան զինվորականներ, որոնց նրանք ատում են և դժվար թե փրկեն նրանց կյանքը»,- ​​ասել է Զելենսկին։