«Հայաստան» դաշինքի անդամները շարունակում են իրենց քայլերթը․ մի քանի օրից խմբերը կհանդիպեն Երևանում
Հասարակություն
«Հայաստան» դաշինքի անդամները շարունակում են իրենց քայլերթը Հայաստանի տարբեր անկյուններից։
Առաջին խմբի քայլերթն սկսվել է Իջևանից։ Պատգամավորներն իրենց համակիրների հետ հասել են Հրազդան։ Ճանապարհին նրանց միացել են տարբեր համայնքների բնակիչներ, իսկ Սևանի բնակիչներն իրենց պատշգամբներից կախել են Հայաստանի ու Արցախի դրոշները։
Մյուս խումբն իր քայլերթն սկսել է Արարատի մարզի Տիգրանաշեն բնակավայրից։ Ճանապարհին նրանց միացել են Նորակերտ համայնքի բնակիչները, իսկ մեքենայով անցնող քաղաքացիներն ազդանշաններով ողջունել։ Միասին նրանք հասել են Փոքր Վեդի։
Այսօր դիմադրության ճանապարհն են բռնել ևս երկու խումբ։ «Երիտասարդի ձայն» շարժման մասնակիցները «Հայաստան» խմբակցության մի քանի պատգամավորների հետ շարժվել են Սարդարապատից։ Մրգաշատում նրանց դիմավորել են աղուհացով։ Խումբը հասել է Մեծամոր, որտեղ ծատառունկ է կազմակերպել։
Քայլերթի չորրորդ ուղղությունը ձգվում է Ապարանից։ Այս քայլերթի մասնակիցները հասել են Հարթավան գյուղ։
Մի քանի օրից բոլոր խմբերը կհանդիպեն մայրաքաղաք Երևանում
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
