Զատուլինը հանդիպել է Արցախի ներկա ու նախկին նախագահների հետ

Պետդումայի պատգամավոր, ԱՊՀ գործերով և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը Հայաստանում հանդիպել է Արցախի նախագահի և Հանրապետության նախկին ղեկավարների հետ:

Հունիսի 1-4-ը նա գտնվում էր Հայաստանում, այցի նպատակն էր ծանոթանալ ներկայիս հասարակական-քաղաքական իրավիճակին և Լեռնային Ղարաբաղի հակամարտության կարգավորման գործընթացին, զարգացնել կապերը ռուս հայրենակիցների հետ:

«Կոնստանտին Զատուլինը հանդիպել է Լեռնային Ղարաբաղի Հանրապետության բոլոր նախկին նախագահների՝ Լեռնային Ղարաբաղի Հանրապետության առաջին նախագահ Ռոբերտ Քոչարյանի (Հայաստանի Հանրապետության Նախագահ 1998-2008 թթ.), Արկադի Ղուկասյանի, Բակո Սահակյանի, ինչպես նաև ԼՂՀ գործող նախագահ Արայիկ Հարությունյանի հետ»,-ասված է հաղորդագրության մեջ:

Պատգամավորը նաեւ զրուցել է Արցախումռուսական խաղաղապահ զորախմբի հրամանատար, գեներալ-մայոր Անդրեյ Վոլկովի, Արցախում ռուսական համայնքի ղեկավար Ալեքսանդր Բորդովի,ի ինչպես նաև Հայաստանում ՌԴ դեսպան Սերգեյ Կոպիրկինի հետ։