Հրշեջները մարել են Նորաշենի խանութում բռնկված հրդեհը

Արարատի մարզային ճգնաժամային կառավարման կենտրոնը հունիսի 19-ին, ժամը 06։37-ին ահազանգ է ստացել, որ հրդեհ է բռնկվել Նորաշեն գյուղում գտնվող «Դավիթ» սուպերմարկետում։

Ինչպես տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի երկու մարտական հաշվարկ։

Ըստ աղբյուրի՝ հրդեհը մեկուսացվել է ժամը 07:01-ին, մարվել` 07:22-ին: Այրվել է խանութի կախովի առաստաղը՝ մոտ 150 քմ, և ջերմահարվել տեսախցիկների սնուցման համակարգը։