ԵԱՏՄ-ն իր գործունեության ընթացքում հաստատել է իր արդյունավետությունը․ Միշուստին

Իր գոյության ընթացքում ԵԱՏՄ-ն հաստատել է իր արդյունավետությունը, քաղաքացիները զգում են ինտեգրացիոն աշխատանքից օգուտները, ասել է ՌԴ վարչապետ Միխայիլ Միշուստինը, գրում է ՏԱՍՍ֊ը։ Նրա խոսքով՝ Արևմուտքի ճնշումը ԵԱՏՄ առանձին պետությունների վրա մեծանում է, և միության երկրները դրան կարող են արդյունավետ արձագանքել միայն միասին։

Միշուստինը նշել է, որ անհրաժեշտ է շարունակել պայմաններ ստեղծել ԵԱՏՄ-ում բիզնեսի բնականոն գործունեության համար և ընդլայնել միությունում ազգային արժույթների օգտագործման պրակտիկան, ինչպես նաև շարունակել աշխատանքը ԵԱՏՄ-ում ներմուծման փոխարինման ուղղությամբ, սկսել զարգացման սեփական նախագծերը և բարձր տեխնոլոգիական արտադրանքի արտադրությունը։ Նա նշել է, որ ԵԱՏՄ երկրները լիովին ինքնաբավ են սննդամթերքի հիմնական տեսակների հարցում և կշարունակեն պաշտպանել իրենց արտադրողների շահերը։

Միշուստինը կոչ է արել շարունակել ԵԱՏՄ-ում անդրսահմանային շուկաներում մրցակցային միջավայրի ձևավորման մոնիտորինգը, ինչպես նաև արագացնել ԵԱՏՄ-ի կլիմայական ընդհանուր քաղաքականության նախապատրաստումն ու ընդունումը։