Լուկաշենկոն Պուտինին խնդրել է հայելային պատասխան տալ Արևմուտքի ագրեսիվ գործողություններին
Աշխարհ
Բելառուսի նախագահ Ալեքսանդր Լուկաշենկոն Սանկտ Պետերբուրգում ՌԴ առաջնորդ Վլադիմիր Պուտինի հետ հանդիպմանը նշել է, որ անհրաժեշտ է հայելային պատասխան տալ Արևմուտքի ագրեսիվ գործողություններին։
«Մենք շատ մտահոգված ենք ԱՄՆ-ի և ՆԱՏՕ-ի ինքնաթիռների ուսումնական թռիչքներով»,- ասել է նա՝ հավելելով, որ նրանք միջուկային զենք կրելու համար վարժանքներ են անցկացնում։
«Սա շատ է նյարդայնացնում մեզ»,- հավելել է նա՝ խնդրանք հայտնելով դիտարկել հայելային պատասխանի հարցը:
Մասնավորապես, Լուկաշենկոն խնդրել է հարմարեցնել բելառուսական ինքնաթիռները միջուկային լիցք կրելու համար։
Ընդ որում, Լուկաշենկոն ընդգծել է, որ նկատի չունի, որ Ռուսաստանը վաղը պետք է միջուկային զենք բերի Բելառուս։
«Բայց ՆԱՏՕ-ի գործողությունների հետ այսպես կատակել չի կարելի»,- ասել է նա։
«Ես բարձրացնում եմ այդ հարցը, որպեսզի մենք պատրաստ լինենք ամեն ինչի, նույնիսկ ամենալուրջ զենքի կիրառմանը»,- ասել է Լուկաշենկոն՝ հավելելով, որ դա անհրաժեշտ է հայրենիքը Բրեստից մինչև Վլադիվոստոկ պաշտպանելու համար՝ անվանելով դա երկու առաջնորդների անմիջական պատասխանատվություն։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
