Պուտինը հայտարարել է Եվրոպայում պահվող ամերիկյան 200 մարտավարական միջուկային մարտագլխիկների մասին

ԱՄՆ-ի երկու հարյուր մարտավարական միջուկային զենք պահվում է եվրոպական երկրներում, շաբաթ օրը Սանկտ Պետերբուրգում իր բելառուս գործընկեր Ալեքսանդր Լուկաշենկոյի հետ հանդիպման ժամանակ հայտարարել է ՌԴ նախագահ Վլադիմիր Պուտինը, հաղորդում է MK.ru-ն։

«Դրանք հիմնականում ատոմային ռումբեր են ՆԱՏՕ-ի հյուսիսատլանտյան բլոկի եվրոպական վեց անդամ երկրներում», - ասել է ՌԴ ղեկավարը։

Նրա խոսքով` այդ մարտագլխիկների հնարավոր կիրառման համար «պատրաստվել է 257 ինքնաթիռ և ոչ միայն ամերիկյան», այլ նաև երկրների, որոնց անունը չի նշել։

Ռուսաստանի նախագահը դիմել է Լուկաշենկոյին. «Դուք ասացիք, որ կարելի էր պատասխանել հայելային ձևով, բայց մեզ նույնիսկ հայելային չարժե պատասխանել դրան»:

Նա հավելել է, որ դրա «կարիքը չկա»։

Ընդ որում, Պուտինը նշել է, որ լիովին համաձայն է Բելառուսի նախագահի հետ, որ «իրենք «պարտավոր են» հոգ տանել Միութենական պետության և, հնարավոր է, ՀԱՊԿ այլ երկրների անվերապահ անվտանգության մասին <...>։