Կանդելակին ընդգրկվել է ԱՄՆ-ի պատժամիջոցների ցուցակում

ԱՄՆ ֆինանսների նախարարությունը պատժամիջոցների ցուցակում ավելացրել է 57 ռուսաստանցու։ Նրանց թվում են հեռուստահաղորդավար և մեդիա մենեջեր Թինա Կանդելակին, ինչպես նաև ՌԴ պաշտպանության նախարարության նախկին ղեկավար Անատոլի Սերդյուկովը՝ կնոջ և երեխաների հետ։ Ցուցակն ամերիկյան կողմը ներկայացրել է երեքշաբթի՝ հունիսի 28-ին։

Կանդելակին ամուսնու հետ հայտնվել է ԱՄՆ պատժամիջոցների տակ։ Նրա ամուսինը «Ռոստեկ» պետական ​​կորպորացիայի հատուկ հանձնարարությունների գծով տնօրեն Վասիլի Բրովկոն է:

Բացի այդ, ԱՄՆ-ը նոր պատժամիջոցներ է սահմանել 70 կազմակերպությունների նկատմամբ, որոնք կապված են ռուսական ռազմական արդյունաբերության հետ։ Խոսքը, մասնավորապես, ԿԱՄԱԶ-ի ու Ռոստեկի մասին է։

«Բոլոր կազմակերպությունները, որոնք 50 տոկոսով կամ ավելի ուղղակիորեն կամ անուղղակիորեն պատկանում են Rostec-ին, արգելափակված են, նույնիսկ եթե դրանք բացահայտված չեն», - ասվում է ԱՄՆ ֆինանսների նախարարության կայքում:

Պետդեպարտամենտն իր հերթին պատժամիջոցներ է սահմանում Ռուսաստանից ևս 45 կազմակերպության և 29 մարդու նկատմամբ։

Նաև պատժամիջոցների շրջանակներում ԱՄՆ-ն արգելել է Ռուսաստանի Դաշնությունից երկիր ոսկու ներկրումը։ ԵՄ-ն նույնպես դիտարկում է նման գնումների արգելքը։ Փորձագետները նշում են, որ դա մեծ հարված չի հասցնի Ռուսաստանին, քանի որ նա կունենա խոշոր գործընկերներ՝ ի դեմս Հնդկաստանի և Չինաստանի։

Միաժամանակ, նրանց ոսկին Ռուսաստանի Դաշնությունում պահելը, ըստ նրանց, նույնպես լավ տարբերակ է։