ԱՄՆ֊ն կավելացնի իր ռազմական ներկայությունը ողջ Եվրոպայում․ Բայդեն

ԱՄՆ նախագահ Ջո Բայդենը, չորեքշաբթի օրը Մադրիդում դաշինքի գագաթնաժողովի շրջանակում հանդիպելով ՆԱՏՕ-ի գլխավոր քարտուղար Յենս Ստոլտենբերգի հետ, ասել է, որ Միացյալ Նահանգները կավելացնի իր ռազմական ներկայությունը ողջ Եվրոպայում։ Նրա ելույթը հեռարձակվել է ՆԱՏՕ-ի կայքում։

«Այսօր ես հայտարարում եմ, որ Միացյալ Նահանգները կամրապնդի իր ուժերի հավասարակշռությունը Եվրոպայում և կարձագանքի փոփոխվող պայմաններին, ինչպես նաև կամրապնդի մեր հավաքական պաշտպանությունը»,- ասել է ԱՄՆ նախագահը։

Այս կապակցությամբ` ամերիկացի առաջնորդը նշել է, որ դաշինքը պետք է կարողանա hետ մղել սպառնալիքները բոլոր ուղղություններից՝ թե՛ օդում, թե՛ ցամաքում, թե՛ ջրում։

Բայդենը հավելել է, որ ԱՄՆ-ն F-35 կործանիչների երկու լրացուցիչ էսկադրիլիա է ուղարկում Եվրոպա, իսկ կործանիչների թիվը, որոնք գտնվում են Իսպանիայի ամերիկյան բազայում, չորսից կհասցնի վեցի։ Բացի այդ, Վաշինգտոնը Լեհաստանում կտեղակայի ԱՄՆ Զինված ուժերի բանակի 5-րդ կորպուսի (ցամաքային զորքերի) շտաբը, ընդգծել է ԱՄՆ նախագահը։