Հարսնացուն որոշել է հյուրերից 15 դոլար հավաքել հարսանիքի և մեղրամսի ծախսերը հոգալու համար

Reddit սոցցանցի օգտատերերից մեկը հայտնել է, որ հարսանիքի հյուրերից մասնակցության գումար է պահանջելու։ Այսպիսով, հարսնացուն նախատեսում է գումար խնայել մեղրամսի համար և հոգալ ալկոհոլի ծախսերը։ Այդ մասին գրում է Daily Mail-ը։

«Վճարիր իմ մեղրամսի համար, եթե ուզում ես խմել»,- գրել է աղջիկը գրառման վերնագրում՝ նման հայեցակարգն անվանելով «արդար ու գեղեցիկ»։

Հարսանիքին հարսնացուն նախատեսում է բարմեն ընկերուհու հետ այսպես կոչված անվճար բար պատրաստել, սակայն հյուրերը ստիպված կլինեն վճարել դրանից օգտվելու համար։

«Խմիչքները կլինեն անսահմանափակ։ Բայց հարկ կլինի 10 դոլար վճարել մեր մեղրամիսը կամ նոր տունը ֆինանսավորելու համար (դեռ վստահ չեմ) և բարմենին 5 դոլար թեյավճար թողնել»,- գրել է աղջիկը։

Հարսնացուն հավելել է, որ իր հյուրերից ոչ ոք չի բողոքի, իսկ եթե բողոքեն, ապա ալկոհոլ չեն ստանա։ Հարսանիքի մնացած բոլոր ծախսերը, ըստ աղջկա, զույգն իր վրա կվերցնի։

Գրառումը մեծ հետաքրքրություն է առաջացրել Reddit-ում: Օգտատերերը թողել են ավելի քան 400 մեկնաբանություն՝ քննադատելով հարսնացուին ոչ թե գաղափարի, այլ դրա իրագործման եղանակի համար։

Այս թեմայով Գանայում 12-ամյա աղջկա հետ ամուսնացած 63-ամյա քահանան կարող է պատժվել․ հետաքննություն է սկսվել Այսօր էստրադային երգիչ Սամվել Գրիգորյանի որդու հարսանիքն է (լուսանկարներ) Հարսնացուն հարսանիքի հաջորդ օրը վերցրել է փեսայի փողերն ու փախել «Տարվա հարսանիքը»․ Ասիայի ամենահարուստ մարդն ամուսնացնում է իր որդուն (տեսանյութ, լուսանկարներ) Փեսան հարսանիքին ներկայացել է Apple Vision Pro ակնոցով ու զայրացրել հարսնացուին