Աղբամաններում շատ նորածիններ կգտնեք».Միլա Յովովիչը՝ ԱՄՆ-ում աբորտների արգելքի մասին

Դերասանուհի Միլա Յովովիչը խոսել է ԱՄՆ-ում հղիության արհեստական ​​ընդհատման սահմանադրական իրավունքի վերացման մասին։ Հունիսի 24-ին ԱՄՆ Գերագույն դատարանը չեղյալ հայտարարեց 1973թ.-ին «Ռոն ընդդեմ Ուեյդի» գործով որոշումը։ Այժմ յուրաքանչյուր նահանգ կմշակի իր կանոնները և կկարգավորի այս հարցը: Շատ աստղեր արդեն օրենքը անվանել են «պատերազմ կանանց դեմ»: Յովովիչը նաև քննադատել է այն և կոպտել հանրապետականներին։

«Ամերիկայում ապրող բոլոր քաղաքակիրթ մարդկանց համար այդ օրենքի հակադարձումը բացարձակապես հրեշավոր է: Դուք, տղաներ, պատասխանատու եք այս խայտառակության համար։ Դուք կանանցից խլել եք այն իրավունքները, որոնք տրվել են նրանց 50 տարի առաջ։ Հուսով եմ, որ դուք երբեք չեք մեղադրվի երեխաների բռնության մեջ ձեր սպիտակամորթ, պահպանողական և կրոնական ֆունդամենտալիզմի հետևանքով:

Ես վախենում եմ այն ​​մտքից, թե հաջորդ տարվա ընթացքում քանի նորածին կգտնեք աղբամաններում: Ձեզանից շատերը սպիտակամորթ մարդիկ են՝ Թրամփի կողմնակիցները, ով «վերստին մեծացրեց Ամերիկան»՝ վերադարձնելով այն մի վիճակին, որը հարմար է միայն ձեզ»,- գրել է Յովովիչը Instagram-ում:

Դերասանուհին և նրա ամուսին Փոլ Անդերսոնը երեք երեխա ունեն՝ 14-ամյա Եվա Գաբոն, 7-ամյա Դաշիլ Էդենը և 2-ամյա Օշին Լարկ Էլիոթը։