Մենք պետք է ճնշում գործադրենք Սպիտակ տան վրա. Մեգան Մարքլը կպայքարի կանանց իրավունքների համար (լուսանկարներ)

Մեգան Մարքլը հարցազրույց է ունեցել ամերիկյան Vogue-ի հայտնի ֆեմինիստ Գլորիա Սթայնեմի հետ։ Նա խոսել է հղիության արհեստական ​​ընդհատման արգելքի, նրա քաղաքական հավակնությունների և արքայազն Հարիի մասին։

Վերջին մի քանի ամիսների ընթացքում Մեգան Մարքլը աշխատել է Գլորիա Սթայնեմի հետ Հավասար իրավունքների փոփոխությունը (ERA) վավերացնելու ծրագրի վրա, որն ուղղակիորեն կխրախուսի կանանց այն իրավունքները, որոնք սահմանադրությամբ տրված են տղամարդկանց: 88-ամյա Սթայնեմը գրող է և Women's Media Center շահույթ չհետապնդող կազմակերպության համահիմնադիրը: Խոսելով համատեղ աշխատանքի մասին՝ Սասեքսի դքսուհին մեկնաբանել է ԱՄՆ-ում հղիության արհեստական ​​ընդհատման սենսացիոն արգելքը։

«Կանայք արդեն պատմում են այն մասին, թե ինչպես է իրենց առողջությունը վտանգված: Կանայք, ովքեր ունեն միջոցներ, կմեկնեն այլ նահանգներ՝ հղիությունն ընդհատելու, իսկ նրանք, ովքեր չունեն, կարող են փորձել դա անել ինքնուրույն՝ վտանգելով իրենց առողջությունը: Դա նրա մասին է, որ մեր ֆիզիկական անվտանգությունը նշանակություն չունի, և արդյունքում՝ մենք նշանակություն չունենք: Բայց կանայք կարևոր են: Եվ դա պատճառներից մեկն է, որ ես անմիջապես զանգահարեցի Գլորիային: Որովհետև նա միշտ հիշեցնում է ինձ, որ երբ դու զայրանում ես, պետք է այդ էներգիան ուղղես դեպի կարևոր մի բան»,֊ասել է Մեգանը։

Մեգանը նաև պատրաստակամություն է հայտնել պայքարել Գլորիայի հետ միասին՝ «Հավասար իրավունքների փոփոխության» ընդունման համար:

«ERA-ն վավերացվել է անհրաժեշտ թվով նահանգների կողմից, և մենք պետք է ճնշում գործադրենք Սպիտակ տան և Կոնգրեսի վրա՝ այն ընդունելու համար»,֊ իր հերթին ասել է Սթայնեմը։

Մեգանն ասել է, որ Սթայնեմի առաջարկով՝ շուտով միասին գնալու են Վաշինգտոն։ Նա նաև կոչ է արել կանանց «միանալ, ոչ թե թուլանալ»: