Ինդոնեզիայի նախագահն ասել է, որ Պուտինին է փոխանցել Զելենսկու ուղերձը

Ինդոնեզիայի նախագահ Ջոկո Վիդոդոն, ով ավելի վաղ այցելել էր Կիև, ասել է, որ Վլադիմիր Զելենսկու ուղերձը փոխանցել է Ռուսաստանի պետական ​​առաջնորդ Վլադիմիր Պուտինին։

Այս մասին նա ասել է Մոսկվայում Պուտինի հետ հանդիպմանը հաջորդած մամուլի ասուլիսում։

«Ես նախագահ Զելենսկու ուղերձն եմ փոխանցել նախագահ Պուտինին»,- ասել է Ինդոնեզիայի առաջնորդը։

Վիդոդոն նաեւ պատրաստակամություն է հայտնել նպաստել կողմերի հարաբերությունների բարելավմանը։