Կինն ամուսնացել է նախկին ընկերոջ հոր հետ, ում հետ ծանոթացել է 11 տարեկանում
ԱյլԱՄՆ-ի բնակչուհին ամուսնացել է իր նախկին ընկերոջ հոր հետ, ում ճանաչում է 11 տարեկանից, գրում է LADBible-ը։ Կնոջ խոսքով՝ դրանից հետո ընկերները երես են թեքել իրենից, սակայն ինքը ոչնչի համար չի ափսոսում։
Օհայոյից 27-ամյա Սիդնի Դինը առաջին անգամ հանդիպել է իր ապագա ամուսնուն՝ 51-ամյա Փոլին, երբ ընդամենը 11 տարեկան էր։ Այդ ժամանակ նա հանդիպում էր տղամարդու որդու հետ՝ դասերից հետո և հանգստյան օրերին նրանց տուն գալով։ Սակայն զույգի հարաբերությունները, այնուամենայնիվ, ավարտվեցին։
Տղան իրեն մեկ այլ աղջիկ գտավ՝ հեռանալով Սիդնիից։ Երբ ամերիկուհին դարձավ 16 տարեկան, նա սկսեց ավելի սերտ շփվել Փոլի հետ՝ ավելի ու ավելի շատ ժամանակ անցկացնելով նրա հետ: Արդյունքում զույգը սկսեց հանդիպել, բայց ոչ ոք չէր հավատում տղամարդու և աղջկա զգացմունքներին։
«Ես երբեք չէի սպասում, որ կսիրահարվեմ Փոլին։ Ես այնքան ուրախ եմ, որ դա տեղի ունեցավ», - ասել է Դինը:
Չնայած դրան՝ զույգն ամուսնացել է։ Սիդնիի ընկերները չեն ընդունել նրա որոշումը և դադարեցրել են շփվել նրա հետ, սակայն կնոջ ծնողները համակերպվել են իրենց դստեր ընտրության հետ՝ տեսնելով, որ նա երջանիկ ամուսնացած է։ Փոլի որդին նույնպես աջակցում է զույգին։
«Նա [Փոլը] լավագույն ամուսինն է, որը ես երբևէ կարող էի խնդրել», - հավելել է կինը: