Ռուսաստանն աշխարհում շատ համախոհներ ունի. Պուտին

ՌԴ նախագահ Վլադիմիր Պուտինն ասել է, որ Ռուսաստանն աշխարհում շատ համախոհներ ունի, բայց ոչ բոլորն են համարձակվում դրա մասին բարձրաձայնել։ Նրա խոսքերը մեջբերում է ՌԻԱ Նովոստին։

Նրա խոսքով` «դոգմատիզմը, անցյալի բեռը, ճշմարտության հետ առերեսվելու չկամությունը» մեծացնում են «Արևմուտքի կողմից հետագա վատ մտածված իմպուլսիվ գործողությունների» ռիսկը։

«Բայց միևնույն ժամանակ, այս իրավիճակը Ռուսաստանի համար բացում է մեր համախոհներին աշխարհում, և դուք գիտեք, որ մենք ունենք շատ համախոհներ։ Ոմանք, սակայն, վախենում են գլուխները բարձրացնել և բարձրաձայն ասել»,- ասել է Պուտինը:

ՌԴ նախագահը բացատրել է, որ այդ համախոհները, որոնց մասին խոսում է, Ռուսաստանի հետ մտածում են «մոտավորապես նույն ռեժիմով»։

«Նրանք շատ են, այս համախոհները՝ երկրներ, մարդիկ և ժողովուրդներ, ովքեր ցանկանում են գնալ իրենց ճանապարհով՝ հիմնվելով իսկական բազմակողմանիության սկզբունքների վրա», - ասել է նա: