107-ամյա կինը նշել է այն մթերքը, որը նպաստել է իր երկարակեցությանը

Նախապատրաստվելով հուլիսի 3-ին նշելու ևս մեկ ծննդյան տարեդարձ՝ կանադացի տարեց կինը նշել է այն մթերքը, որը նպաստել է իր երկարակեցությանը: Այս մասին հայտնում է CJOH-DT-ն։

Դորոթի Թենանտը ծնվել է 1914 թվականին Գոլբորն քաղաքում, որն այժմ դարձել է Օտտավայի արվարձան։ Այդ տարիներին Կանադայի մայրաքաղաքում ապրում էր ընդամենը 100 հազար մարդ, իսկ պետության կազմավորումից 50 տարուց էլ քիչ էր անցել։

Կինն իր ողջ կյանքն անցկացրել է Օտտավայում, ականատես է եղել երկու համաշխարհային պատերազմի, երկու համաճարակի և դիտել է, որ իր հայրենի քաղաքը վերածվում է մեգապոլիսի: Իր երկարակեցության պատճառների մասին հարցին Թենանտը ստույգ պատասխան չունի, սակայն կա ենթադրություն. «Ինձ անընդհատ այս հարցը տալիս են: Գաղափար անգամ չունեմ: Ինչ-որ մեկն ինձ ասաց, որ ամեն ինչ թթու պանրի մեջ է: Ամուսինս պանրագործ էր, իսկ ես անընդհատ պանիր էի ուտում»,- պատմել է 107-ամյա կանադուհին։

Ծերանոցում, որտեղ այժմ ապրում է Թենանտը, նրա համար ծննդյան տոնին են պատրաստվում, սակայն հոբելյարի տարիքը ապշեցնում է նույնիսկ փորձառու անձնակազմին։ «108 տարին շատ երկար ժամանակ է, նույնիսկ դժվար է ընկալել նման շրջանը։ Երբ ես այսօր իմացա, որ նրա որդին 82 տարեկան է, ինձնից մի քանի վայրկյան պահանջվեց այդ տեղեկությունը մարսելու համար», - ասել է գալիք տոնի կազմակերպիչ Ժանել Սալիվան Դելորմեն:

Երկարակյաց կնոջ որդին կայցելի մորը` վերջինիս ծննդյան օրը: Նա պատրաստվում է ծնողի համար կազմակերպել մի քանի ճամփորդություն, որոնցից մեկի ժամանակ կայցելեն խաղատուն։