Հռոմի պապը հայտարարել է, որ ՄԱԿ-ն ի վիճակի չէ վերջ դնել ռազմական հակամարտություններին
Աշխարհ
Հռոմի Ֆրանցիսկոս պապը կոչ է արել վերաիմաստավորել «արդար պատերազմի» հայեցակարգը այսօրվա հակամարտությունների համատեքստում՝ նաև նշելով, որ Միավորված ազգերի կազմակերպությունը (ՄԱԿ) ի վիճակի չէ վերջ տալ ռազմական հակամարտություններին։
«Եկել է ժամանակը վերանայելու «արդար պատերազմ» հասկացությունը։ Արդար պատերազմ հնարավոր է, կա պաշտպանության իրավունք, սակայն այն, թե ինչպես է այսօր օգտագործվում այս հայեցակարգը, կարիք ունի վերաիմաստավորման»,- ասել է Հռոմի պապը արգենտինական Telam լրատվական գործակալությանը տված հարցազրույցում։
Ֆրանցիսկոսն անբարոյական է անվանել միջուկային զենքի օգտագործումն ու ունենալը` նշելով, որ կա «զենքի վաճառքի մի ամբողջ կառույց, որը նպաստում է» պատերազմների բռնկմանը։
«Պատերազմի հետ գործ ունենալը նշանակում է հրաժարվել երկխոսության, կառուցողական լինելու կարողությունից, ինչը մարդիկ ունեն… Չեմ հիշում ճշգրիտ թվերը, բայց վիճակագրությունից հասկացող մեկը ինձ ասաց, որ եթե զենք չարտադրվեր մեկ տարվա ընթացքում, աշխարհում սով չէր լինի»,- ասել է պոնտիֆիկոսը։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
