Էրդողանը հայտարարել է, որ չի հանդիպի Հունաստանի վարչապետին, քանի դեռ նա «իրեն չի հավաքել»
Աշխարհ
Թուրքիայի նախագահ Թայիփ Էրդողանը հայտարարել է, որ չի հանդիպի Հունաստանի վարչապետ Կիրիակոս Միցոտակիսի հետ, քանի դեռ Հունաստանի առաջնորդն «իրեն չի հավաքել», հաղորդում է Reuters-ը:
Ավելի վաղ Էրդողանը հայտարարել էր, որ Միցոտակիսն «իր համար այլեւս գոյություն չունի» այն բանից հետո, երբ Հունաստանի վարչապետը Կոնգրեսում ելույթի ժամանակ ԱՄՆ-ին կոչ արեց F-16 կործանիչներ չվաճառել Թուրքիային:
«Թող իրեն հավաքարի: Քանի դեռ նա իրեն չի հավաքել, մենք չենք կարողանա հանդիպել»,- ասել է Էրդողանը լրագրողներին Մադրիդում ՆԱՏՕ-ի գագաթաժողովից վերադառնալիս:
Նախօրեին Մադրիդում լրագրողների հետ զրույցում Միցոտակիսն ասել էր, որ Հունաստանը բաց է Թուրքիայի հետ երկխոսության համար եւ կրկնել էր, որ Էրդողանի հետ «անձնական բախումների երկխոսությանը» չի մասնակցի։ «Ես կշարունակեմ պնդել, որ Հունաստանի երկխոսության դուռը միշտ բաց է։ Եւ, միեւնույն ժամանակ, մեր երկիրը, երբ հնարավորություն ունենա, կշարունակի բարձրացնել թուրքական ագրեսիայի հարցերը ԵՄ շրջանակներում՝ մեր գործընկերների հետ երկկողմանի կարգով»,- ասել է նա:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
