Որքան ժամանակ և որ դիրքով կարելի է աշխատել այգում. խորհուրդներ` նյարդաբանից

Ցանկացած մարդ, նույնիսկ նրանք, ովքեր առողջական խնդիրներ չունեն, պետք է վերահսկեն այգում արևի տակ անցկացրած ժամանակը։ Իհարկե, այն ժամանակահատվածը, որը կարելի է հատկացնել մարգերի խնամքին, կախված է բազմաթիվ գործոններից՝ եղանակային պայմաններից, տարիքից և այգեպանի ֆիզիկական վիճակից: Միջին հաշվով, օպտիմալ է այգում աշխատել 40 րոպե` առանց ընդմիջման, իսկ հետո հանգստանալ առնվազն 20 րոպե։ Այս մասին Life-ին պատմել է նյարդաբան Վիկտորյա Տոլմաչեւան։

«Նույնիսկ առողջ մարդու համար վնասակար է ամբողջ օրը այգում կիզիչ արևի տակ անցկացնելը, էլ չասենք տարեցների և սրտանոթային կամ հենաշարժական համակարգի հիվանդություններ ունեցող մարդկանց մասին»,- նշել է նա:

Նյարդաբանի խորհուրդը` այգում աշխատողներին

Շոգ օրերին այգում աշխատելիս լավ զգալու համար խմեք առնվազն երկու լիտր ջուր։ Վտանգավոր ժամերին՝ 12-ից 15-ը, ավելի լավ է չհայտնվել արևի տակ։ Փորձեք խուսափել «այգեպանի դիրքից»՝ գլուխը ցած, քանի որ կրկին բեռնում եք ողնաշարի սյունը և հոդերը: Այս դիրքում արյան մատակարարումը խախտվում է, ինչը կարող է հանգեցնել ուշագնացության և կաթվածի:

«Նաև խորհուրդ չեմ տալիս աշխատել ոտքերի վրա, քանի որ ծռված ծնկները սեղմում են զարկերակները և երակները, որոնցով արյունը շրջանառվում է: Ինչպե՞ս անել: Իդեալական տարբերակն է ծնկի բարձիկներ ձեռք բերելն ու մարգերում ծնկած աշխատելը: Այս դեպքում բնական շեղումը պահպանվում է մեջքի ստորին հատվածում և բեռը բաշխվում է հավասարաչափ։ Այս դիրքից պետք է սահուն վեր կենալ՝ հենվելով մեկ ծնկի վրա»,- ասել է Տոլմաչեւան։