Քաղաքապետն ամուսնացել է էգ ալիգատորի հետ և բացատրել իր արարքի պատճառը (տեսանյութ)

Մեքսիկայի Սան Պեդրո Հուամելուլա քաղաքի քաղաքապետ Վիկտոր Հյուգո Սոսան հին ավանդույթի շրջանակներում ամուսնացել է Փոքրիկ արքայադուստր անունով յոթամյա էգ ալիգատորի հետ։ Արարողության մանրամասները բացահայտել է Daily Mail-ը։

Սողունին տոնակատարությանը հագցրել են սպիտակ զգեստ։ Անվտանգության համար նրա ծնոտները կապված էին: Հրատարակության հրապարակած տեսանյութում տոնական հագնված Սոսան գրկախառնված պարում է ալիգատորի հետ՝ բռնելով նրան իր գրկում և համբուրելով կենդանու դունչը։ Արարողությունն ուղեկցվել է բարձր երաժշտությամբ։

Նշվում է, որ Փոքրիկ արքայադուստրը որպես ծեսի մի մաս ներկայացնում է Մայր Երկիրը, իսկ նրա ամուսնությունը տեղի առաջնորդի հետ խորհրդանշում է մարդու միությունն աստվածայինի հետ։

«Մենք բնությունից խնդրում ենք բավականաչափ անձրև, բավականաչափ սնունդ և որ մեր գետում ձուկ լինի», - բացատրել է Սոսան:

Սան Պեդրո Հուամելուլայի քաղաքապետերն ամեն տարի ամուսնանում են սողունների հետ՝ ավանդույթի համաձայն, որը պահպանվել է 18-րդ դարից։ Տեղացիները կարծում են, որ դա հաջողություն է բերում ձկնորսներին։ Այսպիսով, 2017 թվականին քաղաքի նախորդ ղեկավար Վիկտոր Ագիլարը արարողության շրջանակներում ամուսնացել էր էգ կոկորդիլոսի հետ։