Չինաստանը մերժել է Պուտինին

Չինաստանի նախագահ Սի Ցզինպինը հրաժարվել է այցելել Ռուսաստան՝ ի պատասխան ՌԴ նախագահ Վլադիմիր Պուտինի հրավերի։ Այս մասին հաղորդում է «Ազատ Ասիա» ռադիոկայանը (RFA):

Ռուսաստանի ղեկավարը Սիին հրավիրել է հունիսի 15-ին կայացած հեռախոսազրույցի ժամանակ։ Սակայն Չինաստանի նախագահը մերժել է Պուտինի առաջարկը՝ ասելով, որ մոտ ապագայում դժվար կլինի այցելել Ռուսաստան՝ կապված կորոնավիրուսի պանդեմիայի հետ։

Ռուսաստանի նախագահը Չինաստանի ղեկավարին դիվանագիտական ​​պրակտիկային համապատասխան այցի առաջարկ է ուղարկել՝ ի պատասխան Օլիմպիական խաղերին մասնակցելու հրավերների։ Ճապոնական Yomiuri Shimbun հրատարակությունը, հղում անելով չինական կառավարության աղբյուրներին, նշում է, որ Պուտինը հույս ունի օգտագործել Սի Ցզինպինի այցը ԱՄՆ-ի և Եվրոպայի հետ հետագա խորացող հակամարտություններից խուսափելու համար։

Հունիսին Վլադիմիր Պուտինն ու Սի Ցզինպինը հեռախոսազրույցի ընթացքում պայմանավորվել են ընդլայնել համագործակցությունը ֆինանսական, արդյունաբերական և էներգետիկ ոլորտներում։ Փոխգործակցությունը տեղի կունենա` «հաշվի առնելով համաշխարհային տնտեսության իրադրությունը, որն ավելի է բարդացել Արևմուտքի անօրինական պատժամիջոցների քաղաքականության պատճառով»։ Քաղաքական գործիչներն անդրադարձել են նաև ռազմական և ռազմատեխնիկական կապերի զարգացմանը։