Որն է Ուկրաինայում Ռուսաստանի առաջնահերթությունը՝ ըստ Շոյգուի

Ուկրաինայում ռուսական ռազմական գործողությունը կշարունակվի այնքան ժամանակ, քանի դեռ նախագահ Վլադիմիր Պուտինի առաջադրած խնդիրները լիովին չեն կատարվել։ Այս մասին երեքշաբթի օրը գերատեսչությունում կայացած կոնֆերանսի ժամանակ հայտարարել է ՌԴ պաշտպանության նախարարության ղեկավար Սերգեյ Շոյգուն, գրում է ՏԱՍՍ֊ը։

«Առաջնահերթությունները,֊ընդգծել է նա,֊ռուս զինվորականների կյանքի ու առողջության պահպանումն է և խաղաղ բնակչությանը սպառնացող վտանգների բացառումը։ Ռուս զինվորականները չեն պատրաստվում կանգ առնել Լուգանսկի Ժողովրդական Հանրապետության տարածքի ամբողջական ազատագրումից հետո։ Հատուկ ռազմական գործողությունը կշարունակվի այնքան ժամանակ, քանի դեռ գերագույն հրամանատարի կողմից առաջադրված խնդիրները լիովին չեն կատարվել»։

Նախարարը չի հստակեցրել, թե ինչ խնդիրների ու ոլորտների վրա են մտադիր կենտրոնանալ զինվորականները։