Աստղային դիմահարդարը պատմել է, թե ինչպես կարելի է շուրթերին ծավալ հաղորդել՝ առանց ներարկումների

«Դուք կարող եք տեսողականորեն մեծացնել ձեր շուրթերը դիմահարդարման մի քանի հնարքների միջոցով»։֊Այս մասին Gazeta.Ru-ին ասել է աստղային դիմահարդար Զախար Գրինովը։

Դիմահարդարի խոսքով՝ շուրթերին տեսողականորեն ծավալ հաղորդելու ամենահեշտ միջոցը փայլերի օգնությամբն է, որոնք պարունակում են պղպեղ կամ անանուխ։

«Կիրառելիս դրանք թեթև քորի զգացում են առաջացնում, արյան հոսքը դեպի շրթունքներ մեծանում է, և շուրթերը դառնում են շատ ավելի ծավալուն»,- ասել է նա։

Շրթունքների ծավալը հնարավոր է մեծացնել նաեև քողարկիչի և հայլայթերի օգնությամբ։

«Մի փոքր քողարկիչ քսեք շուրթերին, ապա վերցրեք մատիտը և բարակ գիծ գծեք՝ մի փոքր անցնելով շուրթերի գծից։ Դրանից հետո վերին շրթունքի վերևում գտնվող «փոսիկը» մի փոքր ընդգծեք»,- խորհուրդ է տվել դիմահարդարը։

Դիմահարդարի մեկ այլ միջոց է շուրթերի վրա օմբրե էֆեկտ ստեղծելը: Գրինովը պարզաբանել է, որ հնարավոր է օմբրե պատրաստել մուգ երանգից բաց գույնի անցումով, կամ հակառակը՝ բացից մուգ։

«Դա երկրորդ տարբերակն է, որը տեսողականորեն կմեծացնի ձեր շուրթերը։ Դա անելու համար վերցրեք բաց շրթներկ և քսեք շուրթերի կենտրոնին, իսկ ուրվագծային գծերն ու անկյունները գծեք ավելի մուգ երանգով։ Հիմնական բանը ճիշտ հարելն է, որպեսզի լույսից մութ անցումը հարթ լինի»,- պարզաբանեց նա։

Դիմահարդարի մեկ այլ հնարքը շուրթերին նույն տոնով մատիտ ու շրթներկ քսելն է։

«Նախ մատիտով ստվերեք շուրթերը՝ ստեղծելով անհրաժեշտ եզրագիծը, իսկ վերևում քսեք նույն երանգի շրթներկ։ Ավելի լավ է ընտրել մերկ գույներ՝ բնական հաստ շուրթերի էֆեկտ ստեղծելու համար»,- խորհուրդ տվեց նա։

Ավելի վաղ Gazeta.Ru-ն պատմել էր, թե ինչպես կարելի է քսել նիհարելու համար։