Գեղարվեստական մարմնամարզության Եվրոպայի առաջնությունը Մոսկվայից տեղափոխվել է Բաքու

Մարմնամարզության եվրոպական միությունը հայտնել է, թե որտեղ է անցկացվելու 2023 թվականի Եվրոպայի առաջնությունը, որն ի սկզբանե պետք է անցկացվեր Մոսկվայում, գրում է Championat֊ը։

Եվրոպայի առաջնությունը տեղափոխվել է Բաքու (Ադրբեջան): Մրցաշարը կանցկացվի մայիսի 17-23-ը։

Հիշեցնենք, որ փետրվարի 27-ին Մարմնամարզության եվրոպական միությունը զրկեց ռուս և բելառուս մարզիկներին միջազգային մրցումներին մասնակցելու իրավունքից, ինչպես նաև Ռուսաստանին և Բելառուսին՝ իր հովանու ներքո բոլոր մրցաշարերն անցկացնելու իրավունքից։ Կազմակերպությունը հետևել է Միջազգային օլիմպիական կոմիտեի (ՄՕԿ) առաջարկություններին, որոնք հրապարակվել են Ուկրաինայում տիրող իրավիճակի հետ կապված։

Ավելի վաղ՝ հունիսի 19-ին, Թել Ավիվում (Իսրայել) ավարտվեց Եվրոպայի 2022 թվականի առաջնությունը, որին չէին մասնակցում ռուսներն ու բելառուսները։ Բազմամարտում լավագույն արդյունքը ցույց տվեց իսրայելցի Դարիա Ատամանովան։