Փելոսիի ինքնաթիռը շարժվել է դեպի Սինգապուր

Ըստ Flightradar-ի տվյալների՝ Boeing C-40C հատուկ չվերթն ԱՄՆ Կոնգրեսի Ներկայացուցիչների պալատի նախագահ Նենսի Փելոսիի հետ  շարժվել է դեպի Սինգապուր։

Փելոսին ավելի վաղ հայտնել էր, որ պլանավորում է այցելել Սինգապուր, Մալայզիա, Հարավային Կորեա և Ճապոնիա՝ ասիական իր շրջագայության շրջանակներում: Երկրների ցանկում նա չի նշել Թայվանը։

Ասիական շրջագայության ընթացքում նա նախատեսում է քննարկել տարածաշրջանի անվտանգության խնդիրները, կորոնավիրուսը և կլիմայական ճգնաժամը։

Տեղեկությունն այն մասին, որ Փելոսին, ով զբաղեցնում է ԱՄՆ կառավարության հիերարխիայում երրորդ կարեւորագույն պաշտոնը, պատրաստվում է այցելել Թայվան, ամերիկյան լրատվամիջոցներում հայտնվեց դեռ գարնանը։ Ինչպես և սպասվում էր, այս այցը պետք է կայանար ապրիլին, սակայն համաճարակի պատճառով հետաձգվեց մինչև օգոստոս։ Քաղաքական գործչի նման ծրագրերն առաջացրել են Պեկինի կտրուկ բացասական արձագանքը, որը կղզին համարում է իր տարածքի մաս։ Այս ֆոնին ԱՄՆ լրատվական տարածքում ակտիվորեն քննարկվում էին Փելոսիի Թայբեյ հնարավոր ուղևորության ռիսկերը, այդ թվում՝ Վաշինգտոնի և Չինաստանի միջև ուղղակի հակամարտության սպառնալիքը։