Ադրբեջանցի զինվորը սպանել է համածառայակցին. մանրամասներ

Ադրբեջանական բանակի ժամկետային զինծառայող Աղամիրով Սիյավուշը ոչ մարտական պայմաններում հրազենային մահացու վիրավորում է ստացել:

Այս մասին հայտնում է ԱՊԱ-ն՝ այդ երկրի ՊՆ-ին հղումով:

Նշվում է, որ միջադեպը տեղի է ունեցել Թովուզի շրջանում տեղակայված զորամասի տարածքում:

Ադրբեջանի գլխավոր դատախազությունն էլ հայտնել է, որ հարուցված քրեական գործի շրջանակում պարզվել է հնարավոր հանցանքը կատարած անձի ինքնությունը: Վերջինս մահացածի համածառայակից Ամիլ Քյազիմովն է, ով արդեն ձերբակալված է: