Գերմանիան սպառնում է վերանայել սահմանները՝ ի պատասխան Լեհաստանի պահանջի

Գերմանիայի կանցլեր Օլաֆ Շոլցը մեկնաբանել է Լեհաստանի՝ Բեռլինին ուղղված պահանջը՝ կապված Երկրորդ համաշխարհային պատերազմի ժամանակ ավերածությունների համար փոխհատացում տալու հետ։

Այդ համատեքստում նա ակնարկել է երկու պետությունների միջև գոյություն ունեցող սահմանների վերանայման հնարավորության մասին, գրում է լեհական Niezalezna.pl պորտալը։

«Նայելով Լեհաստանի նախկին վարչապետ Դոնալդ Տուսկին, ես կցանկանայի ասել, թե որքան կարևոր են Վիլի Բրանդտի (Գերմանիայի կանցլեր 1969-1974 թվականներին) համաձայնությունները, որ Գերմանիայի և Լեհաստանի միջև սահմանը հարյուրավոր տարիների պատմությունից հետո ընդմիշտ ամրագրվել է», - ասել է կանցլերը։

Նա լեհական կողմին սպառնացել է նրանով, որ պահանջների պատասխանը կարող են լինել սահմանների​​փոփոխությունները, ըստ պատմական փաստաթղթերի։

Ավելի վաղ Լեհաստանի իշխանությունները հայտարարել էին, որ Գերմանիայից պահանջում են 6,2 տրիլիոն զլոտի (մոտ 1,3 տրիլիոն դոլար)՝ որպես Երկրորդ համաշխարհային պատերազմի պատճառված վնասների փոխհատուցում։