Այո, հայերը շատ դժգոհ են, որ մենք հարաբերություններ ենք պահպանում ադրբեջանցիների հետ. ռուս փորձագետ

Հայաստանի և Ադրբեջանի միջև հակամարտությունը լուծելու ուղղությամբ Ռուսաստանի գործողությունները դեռևս բացառապես խաղաղ են։ Այս մասին Regnum-ին տված հարցազրույցում ասել է Ռուսաստանի գիտությունների ակադեմիայի Պրիմակովի անվան Համաշխարհային տնտեսության և միջազգային հարաբերությունների ազգային գիտահետազոտական ինստիտուտի ավագ գիտաշխատող, Վարդգես Արծրունու անվան Սևծովյան-կասպյան տարածաշրջանի քաղաքական և սոցիալական հետազոտությունների ինստիտուտի տնօրեն Վիկտոր Նադեին Ռաևսկին:

«Ռուսաստանը բավական արագ քայլեր ձեռնարկեց՝ դադարեցնելու ռազմական գործողությունները՝ դիմելով և մի կողմին, և մյուսին: Այո, հայերը շատ դժգոհ են, որ մենք հարաբերություններ ենք պահպանում ադրբեջանցիների հետ։ Սա պարզ է։ Նրանք ցանկանում էին, որ Ռուսաստանը միանշանակ դիրքորոշում ընդունի բացառապես հայերին աջակցելու հարցում։ Բայց Ռուսաստանի հարաբերություններն Ադրբեջանի հետ, ընդհանուր առմամբ, միանգամայն նորմալ և գործընկերային են, և, բացի այդ, Ադրբեջանի գործողությունները կապված են Թուրքիայի դիրքորոշման հետ, որը ադրբեջանական ցանկացած խախտման դեպքում միշտ լինելու է բացառապես Ադրբեջանի կողմից։ Այնուամենայնիվ, Ռուսաստանը կատարեց այն քայլերը, որոնք, ի թիվս այլ բաների, իրենից պահանջվում էին Հայաստանի հետ պայմանագրով։ Մոսկվան անմիջապես պահանջել է դադարեցնել կրակը, դադարեցնել ցանկացած հարձակում և, համապատասխանաբար, զորքերը դուրս բերել իր օկուպացրած տարածքներից։ Սկզբունքորեն հնարավոր է կասեցնել ադրբեջանական հարձակումները՝ քաղաքական մեթոդներով, իսկ անհրաժեշտության դեպքում՝ ռազմական միջոցներով ազդելով Բաքվի վրա։ Բայց Ռուսաստանն, իհարկե, առայժմ նախընտրում է սահմանափակվել քաղաքական մեթոդներով և ինքն էլ դադարեցնել ադրբեջանական այս հարձակումը խաղաղ բնակավայրերի վրա»,-ասել է Ռաևսկին։