Չինաստանը պատժամիջոցներ է սահմանել ամերիկյան երկու ընկերությունների դեմ
Համաշխարհային Մամուլ
Պեկինը պատժամիջոցներ կսահմանի Raytheon Technologies-ի և Boeing Defense-ի ղեկավարների նկատմամբ՝ Թայվանին զենք վաճառելու համար։ Նման հայտարարությամբ ուրբաթ օրը՝ սեպտեմբերի 16-ին, հանդես է եկել ՉԺՀ արտաքին գործերի նախարարության պաշտոնական ներկայացուցիչ Մաո Նինգը։
«ՉԺՀ-ի ինքնիշխանությունն ու անվտանգության շահերը պաշտպանելու համար Չինաստանի կառավարությունը որոշել է պատժամիջոցներ կիրառել այդ զենքի մատակարարման մեջ ներգրավված խորհրդի նախագահի դեմ»,- ասել է դիվանագետը։
Մաո Նինգը Թայվանին ամերիկյան զենքի վաճառքն անվանել է «մեկ Չինաստան» սկզբունքի, ինչպես նաև չին-ամերիկյան համատեղ կոմյունիկեի դրույթների կոպիտ խախտում։ Ինչպես նշել է նա, Պեկինը կտրականապես դեմ է նման գործողություններին։
«Չինաստանը ևս մեկ անգամ կոչ է անում ԱՄՆ կառավարությանը և ԱՄՆ համապատասխան կողմերին պահպանել «Մեկ Չինաստան» սկզբունքը և չին-ամերիկյան երեք համատեղ կոմյունիկեի դրույթները և դադարեցնել զենքի վաճառքը Թայվանին», - ասել է Չինաստանի արտաքին գործերի նախարարության խոսնակը:
Ամենադիտված 
Մնաս բարյավ. Րաֆֆի Հովհաննիսյան
