Թուրքիա ռուսական գազի մատակարարումների 25%-ը կվճարվի ռուբլով. Պուտին

Մոտ ապագայում պետք է ուժի մեջ մտնի Թուրքիա ռուսական գազի մատակարարումների դիմաց 25 տոկոս ռուբլով վճարման մասին պայմանագիրը։ Այս մասին սեպտեմբերի 16-ին հայտարարել է ՌԴ նախագահ Վլադիմիր Պուտինը ՇՀԿ գագաթնաժողովում Թուրքիայի ղեկավար Ռեջեփ Թայիփ Էրդողանի հետ հանդիպման ժամանակ, հաղորդում է Iz.ru-ն։

«Հարցը համաձայնեցված է, այդ ուղղությամբ աշխատանքները կկատարվեն մեր պայմանավորվածությունների համաձայն»,- ասել է Պուտինը։

Նա նաև հավելել է, որ Ռուսաստանը պատրաստ է «զգալիորեն ավելացնել մատակարարումները» դեպի Թուրքիա՝ իրեն հետաքրքրող ոլորտներում։

ՌԴ նախագահը նաեւ նշել է, որ Թուրքիան դարձել է գազի մատակարարման ամենահուսալի ուղիներից մեկը։ Նրա խոսքով՝ «Թուրքական հոսք» գազատարն աշխատում է առանց խափանումների։